Wed, 12 Dec 2018
ताजा समाचार
स्वास्थ्य चौकी कर्मचारीको मनोमानीले सर्व साधारणलाई सास्ती || सुखिपुरमा अगजनि वाट १० लाखको छति || बसले मोटरसाइकलमा ठक्कर दिदा महिलाको मृत्यु || आज मटकोर सम्पन || अस्पताल निर्माण नहुदा भतकियो पर्खाल || महन्त वैकुण्ठमाथि दुई मुद्दा || ससुरालीमा भगवान राम उपेक्षित || लोकतान्त्रिक समुहको प्रचार तिव्र || प्रदेशमा मुख्यमन्त्री र काठमाण्डुमा संघिय मन्त्री ठूलो || तिलकोत्सव सम्पन || झूटो अपवाह फैलाउने एक युवक पक्राउ || योगी लखनउबाट सोझै आउने, मधेश भवनमा दिवा भोज || सप्ताहव्यापी विवाहञ्चमी महोत्सवको तेश्रो दिन धनुष यज्ञ सम्पन, || गोलबजार उद्योग व्यापार संद्यमा महासचिव बाहेक अग्रवालको प्यानल नै विजयी || सिरहामा बम विस्फोट || योगीको स्वागतमा जुटे निधि || यसरी भेटेका थिए रामले सिता || महायज्ञ सुरु || सिरहामा सहकारिको ढुकुटि सन्चालक समितिको सुबिधामै स्वाहा || घाईते विद्यार्थीहरुको निःशुल्क उपचार हुनुपर्ने लगायतका मागहरु || एम्बुलेन्स नभएको गाउँपालिकामा ६० लाखको गाडी || गोलबजार व्यापार संघमा अग्रवालको २ सय ८७ मतले अग्रता || हेल्प मधेसी कत्तार च्याप्टर द्वारा पिडित परिवारलाई राहत || राइस मिलको पछाडि जमेको पानीबाट बच्चाको शव बरामद || शिक्षक , अभिभावक , विद्यार्थी जिम्मेवार नभए सम्म शिक्षाको सुधार || सरसफाई तथा छलफल कार्यक्रम सम्पन्न || ईशनाथ १५ औ खुल्ला दिसा मुक्त नगरपालिका घोषणा || लैङिगक हिँसा बिरुद्धको एक दिन कार्यक्रम जीतपुरमा || नयाँ शक्ति प्रदेश २ को सचिवालय इन्चार्जमा यादब || संचार क्षेत्रको विकासको लागि प्रदेश सरकार तत्पर : मुख्यमन्त्री राउत || 'नगर दर्शन’सँगै विवाह महोत्सव शुरु || सिरहाको लहान बाट हतियार सहित २ पक्राउ || निजि ५ विघा जग्गा नेपाली सेनाले गरे कब्जा || सी. के. राउत जेल चलान || मोटरसाइकलबाट लडेर वृद्धाको मृत्यु || बिष्णुपुर गाउँपालिका भिसन डकैती || जनकपुरधाम विशाल रथयात्रा || स्वास्थ्य स्वयंसेविका दिवस मनाइयो || शैक्षिक स्तर सुधार्नमा जोड || स्वास्थ्य स्वयम्सेविका दिवस मनाइयो ||
मधेशसंग संघीय सरकारको सम्बन्ध

जेठ १४, २०७५

  •                                 उपेन्द्रकान्त झा

 शदियौंदेखि     राज्यविहीनताको     अवस्थामा     आन्तरिक   औपनिवेशिक   पीडा   भोगी   रहेको   मधेशले आन्दोलनको माध्यमबाट राज्यलाई दिएको चुनौतीलाई १२ वर्ष बिति सकेको छ । आन्दोलनमार्फत पहिलो   पल्ट   उजागर   राज्य   र   मधेशबीचको   अन्तर्विरोध   सतहमा   स्पष्ट   देखियो   ।   मधेश   आन्दोलनले अन्तर्विरोधको चर्को रुप मात्र देखाएन, दुई राष्ट्रियतासंग पनि साक्षातकार गरायो । दुई फरक संस्कृतिबीचको संघर्षले मधेशको हक अधिकारलाई सार्वजनिक गर्दा राज्यका लागि यो पूरा गर्न नसकिने अडानले  स्पष्ट  सीमारेखा  कोरि  दिएको  छ  ।  दुई  पक्षीय अडानका कारण मधेश आन्दोलन टुँगोमा पुग्न सकेन  ।  प्रादेशिक  सरकारले  यसलाई  आवरणभित्र  छोपि  राखेपनि  यसको  प्रभाव  प्रादेशिक  सरकारमा  सन्निहित रहेको स्पष्ट देख्न सकिन्छ ।मधेशलाई  आफ्नो  हक  अधिकारको  पहिचान  गर्न शदियौं लाग्यो । गुलामी, दासताको धरातलबाट राज्यविरुद्ध    उठेको    आन्दोलनले    सेन्टिमेन्टको    आधारमा  समग्र  मधेशलाई  एकताबद्ध  बनाएपनि  संगठनात्मक सशक्तता ल्याउन सकेन । समग्र मधेश एक प्रदेशको नारा त ल्यायो तर यसको मर्मलाई बुझ्न सकेन । समग्र मधेशको साझा विचारधारा त ल्यायो तर  संस्थागत  गर्न  सकेन  ।  अवसरविहीन  समाजबाट  आएका नेताहरु पहिला आफ्नो लागि अवसर खोज्दै राज्यको प्रलोभनमा फँसेर विखण्डित हुँदै गए । फलतः मधेशको  हक  अधिकार  सुनिश्चित  गर्ने  विचारधारा  धन आर्जनको माध्यममा सिमित हुन पुग्यो । राज्यको प्रलोभनमा परेर पार्टीहरु विभाजित हुँदै गए । अनेक पार्टी  अस्तित्वमा  आए  ।  पार्टी  विभाजन  कमाईको  माध्यम  बन्यो  ।  पार्टी  नेतृत्वको  यही  कमजोरीमाथि  प्रहार  गर्दै  राज्य  मधेश  आन्दोलनको  सशक्ततालाई  निस्तेज  पार्दै  गयो  ।  मधेशको  राजनीतिक  पार्टीमा  देखिएको   विचलनबाट   राज्यशक्तिले   पार्टीहरुलाई   कमजोर त बनायो नै मधेशमा पार्टीहरुलाई अलोकप्रिय बनाउँदै एकतामाथि प्रहार गर्दै गयो । जातीय   पार्टीमा   विभाजित   गरि   मधेशमा   राजनीतिक अराजकता फैलाईयो । जातीय विद्वेष यति मात्रामा  फैलाईयो  कि  मधेशका  राजनीतिक  पार्टीहरु  पारस्परिक लडाईमा सीमित भई आन्दोलनको मुख्य धारलाई  नै  बिस्र्यो  ।  आफ्नै  धरातलबाट  उपेक्षित  बनाएर  गैर  मधेशी  पार्टीहरु  मधेशमा  प्रभाव  जमाउन  सफल  भयो  ।  २०७०  को  दोश्रो  संविधान  सभा  चुनावले यही परिणाम देखायो ।मधेशका  राजनीतिक  पार्टीहरु  पारस्परिक  रुपमा  लडि  रहँदा  राज्यले  आफ्नो  मनोनुकूल  संविधान  बनाउन  राम्रो  अवसर  पायो  र  संविधान  घोषणा  भयो । मधेशको उपेक्षा गरि संविधान घोषणा विरुद्ध मधेशको  आवाज  बुलन्द  भयो  ।  सबै  पार्टीहरुबीच  सहकार्यको वातावरण बन्यो र राज्य विरुद्ध आन्दोलन शुरु भयो । लामो समयको आन्दोलनलाई तत्कालीन ओली  सरकारले  बेवास्ता  गरेकाले  मधेशका  दलहरु  नाकाबन्दी  आन्दोलन  शुरु  गरेर  सरकारमाथि  दबाव  बढायो  ।  सरकार  संविधान  कार्यान्वयनको  दिशामा  आक्रामक  बनेकोले  मधेशलाई  पेलेर  जाने  रणनीति  बनायो र मधेशका ६३ जना वीर सपूत शहीद भए । दमनात्मक अवस्थामा अन्तर्राष्ट्रिय स्तरमा छवि बिग्रिने डरले सरकार प्रलोभनको जाल बिछायो । यो फन्दामा परेर उत्कर्षमा रहेको नाकाबन्दी आन्दोलन बिना शर्त टुँगियो । नाकाबन्दी आन्दोलनको विसर्जन मधेशको ठूलो हार थियो । पराजित मानसिकताले मधेशलाई जरैदेखि हल्लाई दियो । नाकाबन्दीको असफलताले मधेश प्रतिरक्षात्मक पंक्तिमा धकेलियो ।मधेशसंग  प्रत्यक्ष  र  चर्को  अन्तर्विरोध  रहेका  कारण  राज्य  मधेशले  माँग  गरेको  समग्र  मधेश  वा  दुई  प्रदेश  दिने  पक्षमा  थिएन  ।  संघीयता  दिने  तर  मधेशलाई  टुक्रा  टुक्रा  पारि  निस्तेज  गर्ने  राज्यको  तीक्ष्ण  रणनीति  अन्तर्गत  अन्तमा  ७  प्रदेशको  संघीय  संरचना  बन्यो  ।  यसलाई  नै  मान्यता  दिलाउन  र  निर्धारित चुनावलाई सम्पन्न गराउने रणनीति राज्य बनाउँदै  थियो  ।  यही  बेला  मधेशका  विभाजित  ६  वटा पार्टी   (तराई मधेश लोकतान्त्रिक पार्टी, सद्भावना पार्टी, नेपाल सद्भावना पार्टी, तराई मधेश सद्भावना पार्टी, राष्ट्रिय मधेश समाजवादी पार्टी र मधेशी  जनअधिकार  फोरम,  नेपाल  (गणतान्त्रिक)  एकीकरण भई राष्ट्रिय जनता पार्टी बन्यो । मधेशको लागि  यो  राम्रो  सन्देश  थियो  ।  मधेशलाई  नेतृत्व  गर्ने अब दुईवटा पार्टी संघीय समाजवादी फोरम र राष्ट्रिय जनता पार्टी थियो ।नाकाबन्दीबाट    मधेशलाई    अलग    पारेपछि    संविधानको कार्यान्वयन मुख्य चुनौती थियो । असन्तुष्ट मधेश  राज्यलाई  चुनौती  दिन  आमने  सामने  खडा  रहेको अवस्थामा निर्धारित समयमा तीन तहको चुनाव हुन कठीन देखिएको थियो । दुवै पार्टी प्रचण्डले थमाई दिएको  संशोधनको  झण्डा  उचाली  आन्दोलन  गरि  रहेको  अवस्थामा  राज्य  उनलाई  आफ्नो  प्रभावमा  लिन  अनेक  उपाय  अवलम्बन  गरि  रहेका  थिए  ।  यसैबेला बडो चमत्कारीक ढंगले संघीय समाजवादी फोरम बिना शर्त चुनावी मैदानमा उत्रियो । अब संघर्ष राजपाको काँधमा थियो । राजपालाई पनि चुनावमा उतार्न  राज्य  अनेक  तिकडम  लगाएर  अन्ततोगत्वा  बिना  शर्त  पठायो  नै  ।  संविधान  कार्यान्वयनका  लागि संसफो र राजपालाई चुनावमा पठाउने राज्यले गरेको यो चमत्कारबाट दुबै पार्टी धन्य भए । मधेश आन्दोलनको क्रम भंग भयो । संविधानको विरोध गर्ने दुबै पार्टी कालो दिवसलाई सेतो बनाएर बैधानिकता दिलाए । विचार विलीन भयो, पार्टी भने कायम रह्यो । मधेशको समग्रता ८ जिल्लामा सीमित भयो । पश्चिम मधेशलाई  चुनाव  बहिष्कार  गराएर  पूर्वको  चुनावमा  भाग लिएका कारण पूर्वका मधेशी नेताले हामीलाई धोखा दिएको लाँछना लगाई आफूलाई उनीहरु प्रदेश नं. ५ मा एडजस्ट गर्दैछन् । मधेशको समग्रता त्यसै पनि तहसनहस भयो ।विद्वतवर्गको  वृतमा  आन्दोलनको  क्रम  भंगबारे  दुबै पार्टीको आलोचना भएपनि अवसरको खोजीमा रहेका आफ्नो आफ्नो स्तरमा अवसरको उपयोग गर्न कार्यकर्ताहरुले पार्टीको वैचारिक विचलनलाई ध्यानै दिएन  ।  अवसर  प्राप्त  गर्न  कार्यकर्ताहरु  चुनावमा  होमिएकोले  पार्टी  कार्यकर्ताद्वारा  पार्टीहरु  आलोचित  भएन । अवसर पाउने आशमा पार्टीका कार्यकर्ताहरु चुनावमा होमिएर दुबै पार्टीलाई सम्मानित अवस्थामा उभ्याउन  सफल  भए  ।  तीनै  तहमा  अवसर  पाएर  सन्तुष्ट भएका अवसरहीन जमातले महत्वाकाँक्षा पूरा गर्न दुबै पार्टीलाई जुन ढंगले स्थापित गरे, जनताको आकाँक्षा पूरा गर्न असक्षम रहेको अवस्थामा पार्टीको साख  त्यसैपनि  धूल  धुरसित  हुने  कुरामा  कुनै  शंका  छैन । पार्टीहरु पनि यथास्थिति मै रमाउने बानी बसाली सकेको  छ  ।  संविधानलाई  स्वीकार  गरि  चुनावमा  होमिएपछि पुनश्च आन्दोलन गर्नेको औचित्य नै छैन । आन्दोलनको एजेण्डा पनि छैन । संविधान संशोधन नगरे आन्दोलन गर्ने भन्ने कुरा आफ्ना कार्यकर्तालाई सन्तुष्ट गर्नेबाहेक अरु केही पनि होईन ।संघीय सरकारका साथै ६ वटै प्रदेशमा सरकारको दुईतिहाई  रहेको  अवस्थामा  कलंकको  रुपमा  रहेको  प्रदेश  नं.  २  संघीय  सरकारको  आँखाको  कसिंगर  बनेको छ । हालै जनकपुरमा भारतीय प्रधानमन्त्रीको जनकपुर    भ्रमणको    बेला    संघीय    सरकारले    मुख्यमन्त्रीको  हिन्दीमा  सम्बोधन,  झण्डाको  आकार  बिगारेको,  संविधान  मानेर  त्यही  अन्तर्गत  बनेका  संघीय  सरकारलाई  समर्थन  दिएर  विदेशी  पाहुनालाई  संविधान  विभेदपूर्ण  छ  भन्ने  आदि  आरोप  लगाएर  प्रदेश नं. २ प्रति संघीय सरकारको बक्रदृष्टि यसै पनि प्रष्ट देखिएको छ । भारतीय प्रधानमन्त्री नरेन्द्र मोदीको पनि सीधै जनकपुर अवतरण संघीय सरकारको लागि अपाच्य  कुरो  थियो  ।  तर  पनि  प्रधानमन्त्री  ओली  यो  जहर  पिएर  भारतसंग  सम्बन्ध  बनाउन  बाध्य  थिए  ।  सशक्त  र  स्थाई  सरकारको  उन्माद  बोकेका  ओली  सरकार  भारतको  समर्थन  बिना  एक  पाइला  चल्न नसक्ने अवस्थालाई विचार गरि उनले सम्बन्ध सुधार्ने प्रयास गरेका हुन् ।हालै  अमेरिकाको  मधेशी  संस्थाबाट  आमन्त्रित  प्रदेश  नं.२  का  मुख्यमन्त्री  मो.  लालबाबु  राउत  गद्दीलाई अनेक आरोप लगाई अमेरिका जानबाट रोक लगाएको कुराले पनि पुष्टि गर्दछ कि प्रदेश नं. २ संग संघीय  सरकार  पूर्वाग्रही  बनेको  छ  ।  असन्तुष्टताको  धरातलमा जेजति कारणले सशक्त सरकारको रुपमा उदाएको  नेपाल  कम्युनिष्ट  पार्टीको  सरकार  समक्ष  अनेक चुनौतीहरु छन् । अवरोधका कारक तत्वहरुसंग सम्बन्धको  सन्तुलन  कायम  भएन  भने  एकलौटी  बहुमतको  सरकार  पनि  यहाँ  चल्न  नसकेको  नजिर  जस्तै  यो  सरकार  पनि  धाराशायी  हुनेमा  कुनै  शंका  छैन  ।  ओली  सरकार  यहाँसम्म  पुग्न  जुन  रणकौशल  देखाएको छ, भविष्यमा पनि कायम रह्ने संकेत भने देखि रहेको छैन ।भिन्न  भिन्न  दिशामा  रहेका  अवरोधक  तत्व,  सरकारको   असन्तुलन   व्यवहारमा   एकीकृत   भई   सरकारको विरुद्ध आउने सम्भावना पनि छ । प्रदेश नं. २ संगको सौतेनी व्यवहार संघीय सरकारले अविलम्ब हटाउनु पर्दछ । प्रदेश नं.२ को सरकारलाई अपदस्थ गरि  राष्ट्रपति  शासन  लागू  गर्ने  संघीय  सरकारको  नियतलाई  विभिन्न  पत्र  पत्रिका,  अनलाईनले  लेखि  सकेको  छ  ।  प्रदेश  नं.२  मा  नेपाल  कम्युनिष्ट  पार्टी  एक  नम्बरमा  रहेकोले  आफ्नो  श्रेष्ठताको  प्रदर्शन  गर्न  ओली  पछाडि  हट्दैन  भन्ने  राजनीतिक  वृतमा  चर्चा  पनि  छ  ।  भारतसंग  सम्बन्ध  सुधार्न  नचाहेका  अन्धराष्ट्रवादीहरु ओलीलाई उचालेर २ नं. प्रदेशलाई आफ्नो  मातहतमा  ल्याउने  सम्भावनालाई  नकार्न  सकिंदैन । यदि यसो भयो भने ओली सरकारको पतन हुनेमा कसैले रोक्न सक्दैन ।शक्ति प्राप्त गर्नु र त्यसको प्रदर्शन गरि कुशलता हासिल गर्नु हरेक शासकको रणनीति हो । शक्तिको उन्माद कसैले नियन्त्रण गर्न सकेको छैन । उन्मादित अवस्थामा कुशल व्यवहारको अपेक्षा गर्नु बेकार हो । यहींबाट  पतनोन्मुख  प्रक्रिया  शुरु  हुन्छ  ।  मधेशसंग  संघीय  सरकारको  आक्रामक  सम्बन्ध  देशमा  ठूलो  आन्दोलनको  कारण  नबनोस्,  ओली  सरकारको  लागि सोच्नु पर्ने ठूलो विषय हो । चुनावभन्दापूर्व धेरै जन आधार भएका मधेशीहरुले आत्मसमर्पण गरेबाट मधेशले  पनि  आत्मसमर्पण  गर्नै  पर्दछ  भन्ने  सोचले  ओलीलाई  प्रेरित  गरि  रहेको  छ  भने  यो  सोचलाई  अविलम्ब त्याग्नु पर्दछ । कल्याण हुन्छ ।

सिरहा । कर्जन्हा नगरपालिका वडा नम्बर ११ मा रहेको...

सिरहा । सिरहाको सुखिपुर नगरपालिका वाडा नम्बर ४ काविलासिमा सोमबार...

सिरहा । सिरहाको लहान ठाडी सडकखण्डअन्तर्गत सखुवानन्कारकट्टी गाउँपालिका वाडा नम्बर...

जनकपुरधाम : भगवान् सीताराम विवाह महोत्सवअन्तर्गत आज मटकोर विधि सम्पन्न...

सिरहा । सिरहाको बिष्णुपुर गाउँपालिका वाडा नम्बर २...

जनकपुरधाम । साधुसन्तहरु रामजानकी विवाहमहोत्सवको तयारीमा जुटेको बेला रामजानकी मन्दिर...

जनकपुरधाम । त्रेता युगकालिन भगवान राम र जानकीको विवाहमहोत्सव धुमधाम...

वीरगञ्ज । नेपाल ईञ्जिनियर्स एशोसिएशनको ३२ औं महाधिवेशनको क्रममा लोकतान्त्रिक...

काठमाण्डु । नेपाल सरकारले निर्धारण गरेको मर्यादाक्रममा व्यापक फेरबदल हुने...

जनकपुरधाम : रामजानकी विवाह पंचमीको चौथो दिन आज तिलकोत्सव ...

सिरहा । सिरहाको गोलबजार नगरपालिका स्थित ज्योति विकास बैंकबाट...

जनकपुरधाम । रामजानकी बिबाहमहोत्सवमा सहभागी हुन आउन लागेका भारत उत्तर...

जनकपुरधाम : सप्ताहव्यापी विवाहञ्चमी महोत्सवको तेश्रो दिन...

सिरहा । सिरहाको गोलबजार उद्योग व्यापार संद्यमा महासचिव बाहेक भरत...

सिरहा । सिरहाको भगवानपुर गाउँपालिका–४ ठाडीमा बम विस्फोट भएको...

जनकपुरधाम । भारत उत्तर प्रदेशका मुख्यमन्त्री योगी आदित्यनाथको जनकपुरधाम भ्रमणको...

जनकपुरधाम : राम–जानकी महोत्सवको दोस्रो दिन शनिवार जनकपुरस्थित विवाह...

जनकपुरधाम: महायज्ञ सुरु हुनेक्रममा जानकी मन्दिरबाट निकालिएको घोडा रथसहितको र्याली...

सिरहा। साना किसान कृषि सहकारि सन्स्था लिमिटेड बिष्णुपुर,सिराहाका सन्चालक समितिले...

सिरहा : लहानमा मधेशी समुदाय र सँस्कृति उपर अपशब्द...

सिरहा । सिरहाका ९ वटा गाँउपालिकामध्ये लक्ष्मीपुर पतारी गाँउपालिका अहिलेसम्म...

सिरहा । सिरहाको गोलबजार व्यापार संघको जारी मतगणनामा भरत अग्रवाल...

जनकपुरधाम : महोत्तरीको मनरा सिस्वा नगरपालिका वडा नं...

रौतहट: रौतहट जिल्लाको गौर नगरपालिका वड़ा नम्बर ३ मा रहेको...

गौर : गौर नगरपालिकाले शिक्षा क्षेत्रको सुधारको लागि शुरू गरेको...

रौतहट: रौतहट जिल्लाको राजदेवी नगरपालिका वड़ा नम्बर ८ मा रहेका...

रौतहट ; रौतहट जिल्लाको ईशनाथ नगरपालिका १५ औ खुल्ला दिसा...

जीतपुर : जीतपुरसिमरा उपमहानगरपालिकाले लैङिगक हिँसा बिरुद्धको १६ दिने...

जनकपुरधाम : नयाँ शक्ति पार्टी, नेपाल प्रदेश नम्बर २ का...

जनकपुरधाम । मुख्यमन्त्री लालबाबु राउतले संचारक्षेत्रको वृति विकासको लागि प्रदेश...

जनकपुरधाम । रामजानकी विवाह पञ्चमी महोत्सव जनकपुरधाममा शुक्रवारबाट विधिवत रुपमा...

सिरहा : सिरहा २२ मङ्सिर ।सिरहाको लहान नगरपालिका बाट हतियार...

जनकपुरधाम : लालपूर्जा भएको ५ विघा निजी जग्गामा नेपाली सेनाका...

जनकपुरधाम । स्वतन्त्र मधेश गठवन्धनका संयोजक सी के राउत...

लहान : सिराहा अर्नमा गाउँपालिका– ३ हर्कट्टामा मोटरसाइकलबाट लडेर...

सिरहा । बिष्णुपुर गाउँपालिका वडा नम्बर १ मा फिल्मी...

जनकपुरधाम । नेपाल अन्तराष्ट्रिय कृष्ण भावनामृत संघको ...

बर्दिबास । १५औं अन्तराष्ट्रिय महिला ...

जनकपुरधाम । धनुषाधाम नगरपालिका–९...

पोखरिया । पर्साको छिपहरमाई गाउँपालिकाको भिस्वा ...