२०७७ श्रावण ३०, शुक्रबार ०८:११

कोरोना संक्रमितको संख्या बढ्न थालेपछि विराटनगर महानगरपालिकाले लकडाउनको समय थप गरेको छ । १६ साउनमा महानगरपालिकाले आह्वान गरेको लकडाउन शुक्रबार सकिँदैछ । शुक्रबारबाट लागु हुनेगरी भदौ ५ गतेसम्म लकडाउन गर्ने निर्णय भएको मेयर भीम पराजुलीले जानकारी दिए ।

लकडाउन अघि विराटनगर महानगरपालिकामा १०८ कोरोना संक्रमित थिए । लकडाउन यता थप ३०६ गरी विराटनगरमा संक्रमितको संख्या ४१५ पुगेको छ । संक्रतिम मध्ये ४९ जना होम आइसोलेशनमा छन् । ५० जना विराटनगर महानगरपालिकाले निर्माण गरेको होल्डिङ आइसोलेसनमा छन् । लकडाउन संक्रमण नियन्त्रणका लागि प्रभावकारी भएकाले नगर र जिल्ला स्तरीय कोभिड १९ क्राइसिस म्यानेजमेन्ट समितिले लकडाउन थप गर्ने निर्णय गरेको मेयर पराजुलीले बताए ।

Comment

Related News