२०७६ चैत्र २१, शुक्रबार १९:२२
काठमाडौं। भारतको गृह मन्त्रालयले निजामुद्दिनस्थित तबलिगी जमातको सभामा सामेल भएका ९६० विदेशीलाई कालोसूचीमा राखेको छ ।
पर्यटक भिसामा भारत प्रवेश गरेका उनीहरुको भिसासमेत रद्द गरिएको छ ।
पर्यटक भिसामा आएर लुकिछिपी अन्य गतिविधिमा संलग्न भएको आरोपमा उनीहरुविरुद्ध आवश्यक कानुनी कारबाही गरिने पनि भारतीय केन्द्रीय सरकारले जनाएको छ ।
सो जमातमा सामेल भएका ४०० जना कोरोना संक्रमित भएका छन् ।
भारतीय गृह मन्त्रालयकाअनुसार भारतमा ९ हजारजनालाई ‘क्वारेन्टाइन’मा राखिएको छ । जसमा १३ सय ६ जना विदेशी छन् । (एजेन्सी)
