२०७७ बैशाख १२, शुक्रबार १४:१४
काठमाडौं । सरकारले जारी गरेको राजनीतिक दलसम्बन्धी र संबैधानिक परिषद्सम्बन्धी अध्यादेश फिर्ता लिने निर्णय गरेको छ ।
प्रधानमन्त्री निवास बालुबाटारमा आज बसेको मन्त्रिपरिषद् बैठकले राजनीतिक दल र संवैधानिक परिषद्सम्बन्धी अध्यादेश संविधानको धारा ११४ (ख) बमोजिम फिर्ता गर्ने निर्णय गरेको प्रधानमन्त्रीका प्रेस सल्लाहकार सुर्य थापाले जानकारी दिनुभयो ।
सरकारको सिफारिसअनुसार अब राष्ट्रपति विद्यादेवी भण्डारीले अध्यादेश खारेज गर्ने व्यवस्था छ ।
सरकारले वैशाख ८ गते राजनीतिक दलसम्बन्धी र संवैधानिक परिषद्सम्बन्धी अध्यादेश जारी गरेको थियो ।
