२०७७ जेष्ठ १०, शनिबार १५:०१
सर्लाही । सर्लाहीमा पछिल्लो पटक एकै साथ देखापरेका १५ जना संक्रमित भारतबाट लुकेर आएको पाइएको छ ।
सीमाको चोरबाटो प्रयोग गरी पछिल्लो साता सर्लाही छिरेका ती व्यक्तिहरुमा संक्रमित देखिएको हो ।
सर्लाहीको गौडेता नगरपालिका र रामनगर गाउँपालिकाका १५ जनामा कोरोना संक्रमण देखिएको छ । गोडैटाका १ महिलासहित १४ जना र रामनगर गाउँपालिकाका १ पुरुष संक्रमित देखिएका छन् ।
उनीहरु लुकेर नै सीमाबाट आएको देखिएको प्रमुख जिल्ला अधिकारी मोहनबहादुर जिसीले बताए । सीमा पार गरिसकेका उनीहरुलाई भने सिधैं क्वारेन्टाइनमा राखिएको थियो ।
क्वारेन्टाइनमा राखेर बुधबार स्वाब संकलन गर्दा उनीहरुको पोजेटिभ देखिएको जिसीले बताए ।
