२०७७ जेष्ठ १२, सोमबार २०:५५
कलैया । जिल्ला प्रहरी कार्यालय बारा, कलैयामा कार्यरत एकजना प्रहरी निरीक्षकमा पनि कोरोना भाइरस संक्रमण पुष्टि भएको छ।
स्वास्थ्य तथा जनसंख्या मन्त्रालयले आज सार्वजनिक गरेको विवरण अनुसार काठमाडौं घर भइ जिप्रका बारामा कार्यरत २८ वर्षीय प्रहरी निरीक्षकमा संक्रमण पुष्टि भएको हो।
बाराका प्रहरी प्रमुख, एसपी कृष्ण पङ्गेनीले यसअघिकै कन्ट्याक्ट ट्रेसिङमा प्रहरी निरीक्षकमा पनि कोरोना संक्रमण पुष्टि भएको जानकारी दिए।
जिल्ला प्रहरी कार्यालय बाराको मुद्दा शाखामा कार्यरत एक जना प्रहरी जवानमा कोरोना संक्रमण भएपछि उनको कन्ट्याक्ट ट्रेसिङका आधारमा ५० जनाको नमूना संकलन गरेर परीक्षणका लागि पठाइएको थियो।
ती व्यक्तिकै कन्ट्याक्ट ट्रेसिङमा अहिलेसम्म जिल्ला प्रहरी कार्यालय बाराका ५ जनामा संक्रमण पुष्टि भइसकेको छ। हिजो मात्रै चार जनामा संक्रमण पुष्टि भएको थियो।
उनीहरुमा संक्रमण पुष्टि भएपछि कन्ट्याक्ट ट्रेसिङ गरेर थप प्रहरीहरुको कोरोना परीक्षण गरिएको थियो । सोही क्रममा २८ वर्षीया प्रहरी निरिक्षकमा कोरोना संक्रमण देखिएको हो ।
