२०७७ जेष्ठ १९, सोमबार १०:००
जनकपुरधाम ।नेपाली काँग्रेसको भातृ संगठन नेपाल तरुण दल धनुषाले आइतवार साँझ सरकार बिरुद्ध गरेको मसाल जुलुसमा प्रहरीले लाठीचार्ज गरेकोछ ।
कोरोना भाइरस रोकथाम गर्न सरकार असफल भएको आरोप लगाउँदै तरुण दलको नेतृत्वमा नेपाल विद्यार्थी संघका कार्यकर्ताहरु सम्मिलित जुलुसले सरकार बिरोधी नाराबाजी गरेका थिए ।
रामचोकबाट सुरु भएको मसाल जुलुस भानु चोकमा सभा गर्न लाग्दा प्रहरीले लाठीचार्ज गरेको सहभागिहरुले आरोप लगाएका छन् ।
लाठीचार्जबाट तरुण दलका नेताहरु विजय यादव, रमेश यादव लगायत घाइते भएको बताइएकोछ ।तर प्रहरीले टायर खोस्ने क्रममा समान्य बल प्रयोग गरिएको प्रहरीले जनाएकोछ ।
कोरोना भाइरसको संक्रमण रोक्न संघीय र प्रदेश सरकारी संवेदनशिल नभएको जनाउँदै युवाहरुले विरोध गरेका थिए ।उनीहरुले कोरोना भाइरसको नाममा व्यापक भ्रष्टाचार भइरहेको आरोपपनि लगाए ।
