अपडेट 
२०७७ भाद्र १०, बुधबार ०६:१२

विश्व स्वास्थ्य संगठनले कोभिड १९ को खोपमा न्यायोचित पहुँच सुरक्षित गर्न नयाँ कार्यक्रम सार्वजनिक गरेको छ । सार्वजनिक गरिएको कोभेक्स नामक सुविधा कार्यक्रम अन्तर्गत विश्वका १ सय ७२ देशहरु सहभागी भएकाे संगठनले जानकारी दिएको हो ।

यो कार्यक्रममा सहभागी हुनका लागि थप आर्थिक कोषको आवश्यकता रहेको र त्यसका लागि देशहरुको प्रतिवद्धता आउनुपर्ने डब्लूएचओको भनाइ छ । साथै यही महिनाको अन्त्यसम्म अर्थात्, अगस्ट ३१ सम्ममा सहभागी हुन देशहरुले इच्छा प्रकट गर्न सक्ने पनि डब्लूएचओले जानकारी दिएको छ ।

डब्लूएचओका अनुसार सेप्टेम्बर १८ सम्म पक्का गरिसक्नुपर्ने र सहभागी भएवापत अक्टोबर ९ सम्ममा प्रारम्भिक रकम भुक्तान गरिसक्नुपर्ने जानकारी दिएको छ । डब्लूएचओका महानिर्देशक टेड्रोस अधनोम घेब्रेससले यो कार्यक्रम कोभिड १९ को महामारी अन्त्यका लागि महत्वपूर्ण रहेको बताउनुभएको छ ।

Comment


Related News

Latest News

Trending News