२०७७ कार्तिक २४, सोमबार १३:४१
चितवन । जिल्लाले मोटरसाइकल चोरी गर्ने सात जनालाई पक्राउ गरेको छ । प्रहरीले जिल्लाका विभिन्न ठाउँमा मोटरसाइकल चोरी गर्ने र खरिद गर्ने सात जनालाई पक्राउ गरेको हो । चोरी भएको उजुरीका आधारमा प्रहरीले चोरीमा संलग्न र चोरीका मोटरसाइकल खरिद गर्नेलाई पक्राउ गरेको हो ।
पक्राउ पर्नेमा बाराको करैयामाई नगरपालिका–५ घर भई हाल खैरहनी नगरपालिका–९ बस्ने २८ वर्षीय विजय चौधरी, सोही ठाउँ घर भई भरतपुर महानगरपालिका–३ बस्ने १९ वर्षीय राकेश चौधरी र बाराको कोल्हवी नगरपालिका–७ का २४ वर्षीय महेश चौधरी रहेका छन् । यस्तै, मोटरसाइकल चोरी गर्नेमा भरतपुर महानगरपालिका–११ का २६ वर्षीय दिनेश गुरुङ र २५ वर्षीय मनोज दराई रहेको जिल्ला प्रहरी कार्यालय चितवनले जनाएको छ ।
त्यसैगरी, चोरीका मोटरसाइकल खरिद गर्ने खैरहनी नगरपालिका–१२ का २४ वर्षीय समीर चौधरी र २८ वर्षीय अमृत चौधरीलाई पनि प्रहरीले पक्राउ गरेको हो।
