२०७७ मंसिर १८, बिहीबार ०७:१०
नेपाली राष्ट्रिय क्रिकेट टोलीका लेग स्पिनर सन्दीप लामिछाने कोरोना संक्रमणबाट मुक्त भएका छन्। राष्ट्रिय टोलीको बन्द प्रशिक्षणमा सहभागी हुने तयारीमा रहेका लामिछाने संक्रमित भएका हुन् । उनले आफू कोरोनामुक्त भएको बुधबार सामाजिक सञ्जालमार्फत जानकारी गराएका हुन् ।
संक्रमण पुष्टि भएसँगै सेल्फ आइसोलेसनमा बसेका उनी आइतबार श्वासप्रश्वासमा समस्या आएपछि ह्याम्स अस्पताल भर्ना भएका थिए। कोरोनाबाट मुक्त भएका उनी अब केही दिनको आरामपछि बिग ब्यास लिग खेल्न अस्ट्रेलिया जानेछन्। जहाँ यही डिसेम्बर तेस्रो साता बिग ब्यास लिग सुरु हुँदैछ।
