२०७७ पुष ८, बुधबार ०७:१२
विश्वभरमा पाँच करोड ५० लाखभन्दा बढी कोरोना भाइरसका बिरामी निको भएका छन् । बुधबार बिहानसम्ममा पाँच करोड ५० लाख ७४ हजार दुई सय ४४ जना संक्रमित कोरोनामुक्त भएका हुन् ।
हालसम्म विश्वमा सात करोड ८३ लाख दुई हजार दुई सय ६३ जनामा कोरोना संक्रमण भएको छ । संक्रमितमध्ये १७ लाख २२ हजार एक सय ९० जनाको मृत्यु भइसकेको छ । हाल विश्वमा २ करोड १५ लाख पाँच हजारभन्दा बढी सक्रिय संक्रमित छन् । कोरोना भाइरसबाट सबैभन्दा बढी प्रभावित राष्ट्र संयुक्त राज्य अमेरिकामा हालसम्म १ करोड ८६ लाखभन्दा बढी मानिस संक्रमित भइसकेका छन् । संक्रमितमध्ये १ करोड नौं लाख आठ हजारभन्दा बढी निको भएका छन् भने तीन लाख ३० हजार एक सय ९२ जना संक्रमितले ज्यान गुमाइसकेका छन् । भारतमा हालसम्म १ करोड ९९ हजारभन्दा बढी मानिस संक्रमित भएका छन् । संक्रमितमध्ये ९६ लाख ६२ हजारभन्दा बढी निको भएका छन् भने कोरोनाबाट ज्यान गुमाउनेको संख्या १ लाख ४६ हजार चार सय ७६ जना पुगेको छ ।
नेपालमा हालसम्म दुई लाख ५५ हजार दुई सय ३६ जनामा कोरोना पुष्टि भएको छ । संक्रमितमध्ये दुई लाख ४५ हजार सात सय नौं जना निको भएका छन् । यहाँ कोरोनाबाट एक हजार सात सय ९८ जनाले ज्यान गुमाइसकेका छन् ।
