२०७८ बैशाख २९, बुधबार ०८:०४
जनता समाजवादी पार्टी(जसपा)का सांसद उमाशंकर अरगडियाले मातृ दल समाजवादी पार्टीको सहमति विपरित सोमवार संसदमा तटस्थ बसेपछि उनको गृह जिल्लामा तिव्र आलोचना भएकोछ ।
अरगडियाले गत वैशाखमा तत्कालिन समाजवादी पार्टी फुटाउन भूमिका खेलेका थिए ।उनले प्रधानमन्त्री ओलीसित मोटो रकम लिएर इमान बेचेका आरोप लगाउँदै जसपा धनुषाका अध्यक्ष पशुपति यादवले निर्वाचन क्षेत्रमा जनताले लखेट्ने दावी गरेका छन् । जिल्लामा आन्तरिक मामिला तथा कानुन मन्त्री ज्ञानेन्द्र यादवलाई निकट राखेका अरगडियाको बिरोधमा हाल पूर्व समाजवादी एकजुट भएर उभिएपनि यादवले भने कुनै प्रतिकृया जनाएका छैनन् । जसपाका नेता शेषनारायण यादवलेपनि आर्थिक प्रलोभनमा परेका अरगडियाले मधेशको भावनाको अपमान गरेको आरोप लगाएका छन् ।
