जिल्ला कोभिड व्यवस्थापन समितिको आइतबार बसेको बैठकले थप खुकुलो गर्दै निषेधाज्ञालाई कायम राखेको छ । कोरोना संक्रमणको दोस्रो लहर समुदाय स्तरमै फैलिएपछि वैशाख १६ गतेदेखि पर्सामा निषेधाज्ञा जारी छ । कोरोना संक्रमणको श्रृङ्खला तोड्न निषेधाज्ञा उपयोगी देखिएको भन्दै परिमार्जितसहित निषेधाज्ञा जारी राख्ने निर्णय समितिले प्रमुख जिल्ला अधिकारी समक्ष सिफारिस गरेको छ । केही परिमार्जनसहित जारी निषेधाज्ञालाई अर्को निर्णय नआउँदासम्मका लागि कायम राख्ने निर्णय भएको प्रमुख जिल्ला अधिकारी पिताम्बर घिमिरेले जानकारी दिए ।