जनकपुर टुडे

२०७८ कार्तिक १०, बुधबार १९:०७

प्रदेश नम्बर २ का मुख्यमन्त्री लालबाबु राउत गद्दीले आयुर्वेद चिकित्सालाई प्रभवाकारी बनाउन आफु प्रतिवद्ध रहेको धारणा व्यक्त गर्नुभएको छ ।

वीरगन्ज स्थित भारतीय महावाणिज्य दुतावासले वीरगन्जमा आयोजना गरेको ‘आयुर्वेदद्धरा कुपोषण बिरुद्धको अभियान’ कार्यक्रमलाई सम्बोधन गर्दै मुख्यमन्त्री गद्दीले यस्तो प्रतिवद्धता व्यक्त गर्नुभएको हो । भारत स्वतन्त्रत भएकोे ७५औ बर्षगाठ ‘अजादीको अमृत महोत्सव’को अवसरमा महावाणिज्य दुतावासले आयोजना गरको उक्त कार्यक्रममा मुख्यमन्त्री गद्दीले आयुर्वेद चिकित्सा तर्फ प्रदेश सरकारको खासै ध्यान पुग्न नसकेको स्विकारदै आउने समयमा आफुले सबैप्रकार सहयोग गर्ने बताउनु भयो । प्रमुख अतिथीको मन्तव्य व्यक्त गर्दै उहाले आठै जिल्लाका आयुर्वेद अस्पताल प्रमुख डाक्टरहरुलाई आयुर्वेद चिकित्सालाई प्रभावकारी बनाउन प्रतिवद्ध रहेको स्पष्ट पार्नु भयो । मुख्यमन्त्री गद्दीले भन्नु भयो, ‘विभिन्न कानुनि अडचनको कारण मैले धेरै कुरा गर्न सकेको छैन,प्रक्रियागत ढिलाइको कारण नै आफुले विश्वविद्यालय स्थापनाको नियमावली अध्यदेश मार्फत ल्याएको हो ,जसको बिरोधी साथीहरुले बिरोध गर्दै हुन हुन्छ’।उहाले कार्यक्रमम उपस्थित आयुर्वेद डाक्टरहरुले उठाएको विभिन्न जिज्ञासाहरुलाई सम्बोधन गर्दै भन्नु भयो ,‘ प्रदेशका जनताहरु भाझ आयुर्वेद चिकित्सालाई अझ प्रभावकारी बनाउन तपाईहरुलाई के के चाहिन्छ ,मिलेर सबै डाक्टर साहबहरु आउनुस ,म आर्थिक र प्रविधिक सबै प्रकारको सहयोग गर्छु ।’
कार्यक्रममा बोल्दै पुर्वमन्त्री एवम प्रदेश २ का प्रतिवक्षी दलका नेता जितेन्द्र सोनलले एलोपैथीक चिकित्सको धेरै विकास भएपनि मानव जिवनको लागी आयुर्वेद चिकित्सा नै उत्म र प्रभावकारी भएको बताउनु भयो ।

उहाले भारत नेपाल दुइ देश भए पनि सभ्यता र सस्कृती दुबै देशको साझा हुनुका साथै कुपोषण लगायतका विभिन्न समस्याहरु पनि साझा रहेको बताउनु भयो ।बर्तमान परिपेक्ष्यमा भारतीय महावाणिज्य दुतावासले मनाउनेदै आएको अजादीको अमृत महोत्सवको क्रममा राखिएको कुपोषण सम्बधी कार्यक्रम सांदर्भिक र उत्म रहेको नेता सोनलको भनाइ रहको थियो ।भारतीय महावाणिज्यदुत नितेश कुमारले कार्यक्रम उपस्थित प्रमुख अतिथि लगायत सबै आगन्तुकहरुलाई स्थागत गर्दै कार्यक्रमको बारेमा प्रकाश पार्नुभएको थियो ।कार्यक्रममा उपस्थित आठै जिल्लका आयुर्वेद चिकित्सकहरुले जिवन सफलताको लागी स्थस्थ्यता र त्यसमा आयुर्वेदको महत्वबारे प्रकाश परेका थिए ।भारतीय महावाणिज्य दुतावासका संस्कृती एवम मिडिया प्रमुख कन्सुलर शशिभुषण कुमारले कार्यक्रम संचालन गर्नुभएको थियो भन्ने राजनैतिक कन्सुलर शैलेन्द्र कुमारले आफ्नो अमुल्य समय दिएर सहभागी भएको प्रमुख अतिथि लगायत सबै अतिथिहरुलाई धन्यवाद ज्ञापन गर्नुभएको थियो ।