२०७८ कार्तिक १४, आईतवार ०७:३९
मलगंवा । जनता समाजवादी पार्टी (जसपा)का नेता भिमगज भनिने अरबिन्द सिंह लोकतान्त्रिक समाजवादी पार्टी (लोसपा)मा प्रवेश गरेका छन् ।
शनिवार विष्णु गाउँपालिकामा आयोजित शुभकामना आदान प्रदान तथा पार्टी प्रवेश कार्यक्रममा लोसपाका बरिष्ट नेता राजेन्द्र महतोले सिंहलाई पार्टीमा भित्र्याए । नेता सिंहलाई स्वागत गर्दै महतोले लोसपाको सदस्यता समेत प्रदान गरे । लोसपामा प्रवेश गरेका सिंह तत्कालीन संघिय समाजवादी पार्टीबाट बिष्णु गाउँपालिकाको अध्यक्ष पदमा चुनाव लडेका थिए । झिनो मतले पराजित उनको त्यहाँ बलियो पक्कड छ । उनले जसपाका सयौं कार्यकर्तालाई लोसपामा तानेका छन् । नवप्रवेशी सबैलाई लोसपा बरिष्ट नेता महतोले स्वागत गरे । नेता सिंह लगायतका सयौं कार्यकर्ता प्रवेश गरेपछि उक्त गाउँपालिकामा लोसपा बलियो बनेको छ ।
