२०७८ कार्तिक २२, सोमबार ०७:१५
रौतहट । कलाकुञ्ज पुस्तकालय रौतहटको साधारणसभा आइतबार सम्पन्न भएको छ ।
२००४ सालमा स्थापना भएको कलाकुंज पुस्तकालय जिल्लाकै सबभन्दा पुरानो पुस्तकालय हो । पुस्तकालयको ७४ औ साधारण सभाको अवसरमा गौर नगरपालिकाका मेयर अजय कुमार गुप्ताले कलाकुञ्ज पुस्तकालयले यस क्षेत्रका नागरिकहरुको शैक्षिक चेतना जागरणमा महत्वपूर्ण भूमिका निर्वाह गरेको चर्चा गरे । कार्यक्रममा पुस्तकालय संरक्षण समितिका मजरुल हक , शान्ति प्रसाद सुवेदी , विजय किशोर झा , रमेश प्रसाद श्रीवास्तव , जगन्नाथ प्रसाद केसरी , वडा अध्यक्ष राम स्वार्थ राय यादव सहितका ले पुस्तकालको महत्वमाथि प्रकाश पारेका थिए ।
