२०७८ मंसिर १७, शुक्रबार १७:४३
हाम्रो प्राथमिकताको आधार, अपाङ्ग भएका व्यक्तिको अधिकार नाराको साथ ३० औं अन्तराष्ट्रिय अपाङ्ग दिवस धनुषामा मनाईएको छ ।
दिवसको अवसरमा नेपाल तराई अपाङ्ग संघ मिथिला नगरपालिका कचरी धनुषाले अपाङ्गता र्याली निकालेको छ । अपाङ्गलाई दया होईन अवसर चाहियो लगायतका नारा लगाउँदैं संघमा आबद्ध सदस्यहरुले नगर परिक्रमा गरेको छन । दिवसको अवसरमा आयोजित कार्यक्रममा प्रदेश २ का आन्तरिक मामिला तथा पूर्व कानुन मन्त्री ज्ञानेन्द्र कुमार यादवले अपाङ्गहरुलाई सम्मान एवं पोसाक र झुल वितरण गर्नुभयो । कार्यक्रमका प्रमुख अतिथी यादवले अपाङ्गहरु संग फरक झमता हुने गरेकोले, सरकारले अपाङ्गहरु प्रति विशेष ध्यान दिन आवश्यक रहेको बताउनुभयो । उहाँले, अपाङ्गहरुको रुची भएअनुसारको काम प्रदान गरी, उनीहरुको जिवन सहज ढङले चलोस भनी सोच्न आवश्यक रहेको बताउनुभयो । अपाङ्गहरुको सहि डाटा संकलन गरी, सरकारले उनीहरुको शिक्षा सुविधा, तालीम लगाउतका सेवाहरु प्रदान गर्न मन्त्री यादवले सुझाव दिनुभयो ।
कार्यक्रममा संघका अध्यक्ष विन्दु यादवले, आफूहरु अहिले सम्म सरकारले दिँदै आएको सेवा सुवीधा, तालीमबाट बन्चित रहेको गुणासो गर्नुभयो । अध्यक्ष यादवले आफूहरु प्रति सरकारले गम्भिर भई ध्यान दिन अनुरोध गर्नुभयो । अपाङ्गता भएकाहरुले भोग्नु परेको समस्यामाथि छलफलसँगै चुनौतीको समाधान निकाल्न, अपाङ्गता सम्बन्धी जागरण फैलाउन र अपाङ्गता भएका व्यक्तिको अधिकार सुनिश्चित गर्ने उद्देश्यका साथ यो दिवस मनाउने गरेको उहाँले बताउनुभयो ।
