२०७८ मंसिर २२, बुधबार ०७:५१
जनकपुरधाम । रहीम युवा समाज नेपालले जनकपुर रिपोर्टस डट कमका संचालक पत्रकार गणेश रायलाई आर्थिक सहयोग गरेको छ ।
पत्रकार रायको श्रीमतीको पाठेघरमा समस्या देखिएकोले उनको स्वास्थ्य उपचारको लागि रहिम युवा समाज नेपालका अध्यक्ष ईद मोहम्मद साफीले मंगलवार आयोजित कार्यक्रमबीच आर्थिक सहयोग गरेका हुन् । समाजका सदस्य तथा खाडी मुलुक कत्तारमा राइडर्स जोन ट्रेडिंगका सञ्चालकको सहयोगमा राष्ट्रिय युवा संघका सचिवालय सदस्य समेत रहेका साफीले पत्रकार रायलाई १२ हजार आर्थिक सहयोग गरेका हुन् । वैदेशिक रोजगारीको क्रममा कत्तारमा रहेका धनुषा जिल्लाका मुस्लिम सामुदायका युवाहरुले गठन गरेको समाजले गरीब, विपन्न,असहाय, तथा समस्यामा परेका हरेक वर्गका समुदायका व्यक्तिहरुलाई समय–समयमा आर्थिक सहयोग गर्दै आएको छ ।
