२०७८ पुष १२, सोमबार ११:५७
सिरहाको गोलबजारमा दुई पसलको सटर फोडेर चोरहरुले लाखौंको समान चोरी गरेका छन् ।
गोलबजार नगरपालिका ६ गुम्बा चौकस्थित मनोज इन्टरप्राइजेज र लक्ष्मी जेनरल स्टोरबाट चोरी भएको हो । दुबै पसलबाट चोरहरुले आईतवा राति करिब १० लाख बढीको समान चोरेर लगेको बताइएको छ ।
मनोज इन्टरप्राइजेजबाट १५ बेन्डल सुर्या चुरोट, २० बण्डल सिखर चुरोट, दुइ लाख बराबरको रिचार्ज कार्ड, एउटा ल्यापटप र काउन्टरमा रहेको नगद करिब ५० हजार चोरले लगेको सञ्चालक मनोज साहले जानकारी दिए ।
यस्तै लक्ष्मी जेनरल स्टोरबाट १० बण्डल सुर्या चुरोट, १५ बण्डल सिखर चुरोट, १ लाख बराबरको रिचार्ज कार्ड लगायतका समानहरु र काउन्टरमा रहेको नगद ५० हजार चोरले लगेका छन् । चोरी भएको विषयमा अनुसन्धान भइरहेको गोलबजार प्रहरीले जनाएको छ ।
https://www.youtube.com/watch?v=vHK8DGXiq10
