जनकपुर टुडे

२०७९ बैशाख १५, बिहीबार ०७:१९

कलैया । बाराको जीतपुरमा लोसपा नेपालको जीतपुरसिमरा उपमहानगर स्तरीय अगुवा कार्यकर्ता भेला सम्पन्न भएको छ ।

नगर समितिद्वारा आयोजित अगुवा कार्यकर्ता भेला कार्यक्रममा लोसपा मधेश प्रदेशका अध्यक्ष तथा मधेश प्रदेश सरकारका पूर्व भौतिक पूर्वाधार मन्त्री जितेन्द्र सोनलले चुनावी प्रशिक्षण दिएका थिए । प्रशिक्षणको क्रममा चुनावमा कसरी जनतालाई आकर्षित गर्ने विषयमा बताएका थिए । सो कार्यक्रममा विभिन्न पार्टी परित्याग गरी दर्जनौ कार्यकर्ताहरुले लोसपामा प्रवेश गरेका छन् कार्यक्रममा पूर्व संघीय मन्त्री एकबाल मिया, लोसपाका केन्द्रीय सदस्य गणेशजी साह , क्षेत्र नं.४(क) का अध्यक्ष घनश्याम गिरी , जीतपुरसिमरा नगर अध्यक्ष शिवजी साह सोनार , लोसपाबाट जीतपुरसिमरा उपमहानगरका प्रत्याशी संजय कुमार साह , वडा नं.७ का वडा अध्यक्षका प्रत्याशी राजुराज गिरी ,लोसपा नेता राजाराम साह लगायत लोसपाका अगुवा नेताकार्यकर्ताहरुको उपस्थिति रहेको थियो । कार्यक्रमको सञ्चालन लोसपाबाट वडा नं.१० का प्रत्याशी सरोज पटेलले गरेका थिए ।