२०७९ बैशाख १८, आईतवार ०७:२०
मलंगवा । ‘हामी आफ्नो मलंगवा आफै बनाउँछौ,त्यसका लागि आफ्नो मतदान सही उमेदवारलाई गर्छौ ’ भन्ने नाराका साथ सर्लाहीको मलंगवामा नगर प्रमुख(मेयर)पदमा उमेदवारी दिएका उम्मेदवार र स्थानीय जनताहरु बीच सवाल जवाफ कार्यक्रम गरिएको छ ।
मलंगवा जेसिजले शनिबार आयोजना गरेको ‘ककस’ कार्यक्रममा आसन्न बैशाख ३० गतेको स्थानीय निर्वाचनमा मेयर पदका लागि दलीय तथा स्वतन्त्र उम्मेदवारहरुले नागरिक संग खुल्ला बहश गरेका छन् । चुनावमा जितेपछि मलंगवा नगरपालिकालाई विकासको नयाँ आयाम तथा नगरवासीहरुको चाहनालाई कसरी पुरा गर्ने लगायतका विषयमा उम्मेदवार हरुले आ–आफ्नो धारणा व्यक्त गरेका थिए । कार्यक्रममा उठेका प्रश्नहरुको सबै नेताहरुले एउटै खाले जवाफ दिएका थिए । उनीहरु जनताले आफूलाई जिताएको खण्डमा सडक,नाला,ढल निर्माण,शिक्षा र स्वास्थ्यको स्तर सुधार,रोजगारीको सृजना,स्वच्छ, सफा, सुन्दर नगरको परिकल्पना हुलाकी सडकको समस्या समाधान लगायतका विषयलाई प्राथमिकतामा राखेर काम गर्ने प्रतिवद्धता व्यक्त गरे ।
