२०७९ बैशाख ३१, शनिबार ०७:४४
रौतहट जिल्लाको यमुनामाई गाउँपालिका अन्तर्गतको एउटा मतदान केन्द्रबाट मतपेटिका लुटिएको छ । य म ु न ा म ा र्इ गाउँपालिका–२ स्थित मतदान केन्द्रबाट मतपेटिका लुटिएको जनाइएको छ । मतदानका क्रममा विवाद उत्पन्न भएपछि केही स्थानीयहरुले मतपेटिका लुटेर लगेका हुन् ।
प्रमुख जिल्ला अधिकारी कृष्णबहादुर शाहीले यमुनामाई–२ स्थित मतदान केन्द्रबाट मतपेटिका लुटिएको प्रारम्भिक जानकारी आएको बताए । मतदान सकिएपछि सिलबन्दी गर्ने क्रममा मतपेटिका लुटिएको प्रजिअ शाहीले जानकारी दिएका छन् । ’मतपेटिका लुटिएको भन्ने प्रारम्भिक जानकारी आएको छ,’ प्रजिअ शाहीले भने, ’अहिले थप सुरक्षाकर्मी पठाएका छौं।’
