२०७९ जेष्ठ २, सोमबार ०७:३७
महोत्तरी जिल्लाको बर्दिवास नगरपालिकामा नेकपा माओवादीले मात्र ९ मतको अन्तरले विजयी हुँदै खाता खोलेको छ ।
शुक्रबार रातिदेखि जारी मतगणना परिणाम अनुसार नेकपा माओवादी महोत्तरीको बर्दिवास नगरपालिका–८ मा वडाध्यक्ष पदमा विजयी भएको हो । नेकपा माओवादी केन्द्रका शमशेरसिंह लामा ७ सय ५३ मत ल्याइ विजयी भएका हुन् । बर्दिवास निर्वाचन कार्यालयका अधिकृत भूपेन्द्र सापकोटाले लामालाई विजयी भएको घोषणा गरेका छन् । उनका निकटतम प्रतिद्वन्द्वी एमालेका रुद्र किङरिङले ७ सय ४४ मत प्राप्त गरेका छन् । निकटमत प्रतिद्वन्द्वी किङरिङ र विजयी भएका लामाबीच मात्र ९ मतको अन्तर रहेको निर्वाचन अधिकृत सापकोटाले जानकारी दिए । बर्दिवास सेवा समितिको हलमा जारी मत गणना अनुसार तीन हजार ६ सय ५ मतदाता रहेको बर्दिवास–८ मा कूल दुई हजार ५ सय ६२ मत खसेको थियो ।
