२०७९ जेष्ठ ६, शुक्रबार १०:०४
भारतका प्रख्यात संत मुरारी बापुजीको जनकपुरधाम आगमनको तयारी पूरा भइसकेको छ । यहि शनिबार उनी जनकपुरधाम आउने भएका हुन । उनकै आगमनलाई मध्ये नजर गर्दै जानकी मन्दिर लगायतको क्षेत्रमा सरसफाइ कार्यक्रमको आयोजना गरिएको छ ।
जनकपुरधामका मेयर प्रत्याशी मनोज कुमार साहको अगुवाईमा सर्सफाइ कार्यक्रमको आयोजना गरिएको हो । सो क्रममा जानकी मन्दिरको चारै तर्फको प्रागंण सफाई गरिएको छ । अतिथिको सत्कार मिथिलाको संस्कार मुल नाराका साथ सरसफाई गरिएको हो । कार्यक्रममा स्थानीय युवा,व्यवसायी एवम सरोकारबालाहरुको उल्लेखनीय सहभागिता रहेको थियो ।
स्मरणीय छ कि संत मुरारी बापुले यहाँ सात दिन सम्म रामकथा प्रवचन दिने कार्यक्रम रहेको छ । शनिवारदेखि सुरु हुने प्रवचन कार्यक्रम जेठ १५ गते सम्म चल्ने बताइएको छ । प्रवचन कार्यक्रमको लागि स्थानीय तिरहुतिया गाछीमा पण्डाल लगायतको व्यवस्थापन गरिएको छ ।
