२०७९ जेष्ठ १२, बिहीबार १४:१४
रौतहटको फतुवा विजयपुर नगरपालिकामा नेपाली काँग्रेसको प्यानल निर्वाचित भएको छ ।
काँग्रेसबाट मेयरका उमेदवार गोपाल राययादव र उपमेयरका उमेदवार अमवेया खातुनको प्यानल विजयी भएको हो । काँग्रेस उम्मेदवार अम्बेया खातुन १ हजार ४ सय ९४ मतको अन्तरले उपमेयरमा विजयी भएकी छन् । खातुनले कुल ५ हजार १ सय ६२ मत प्राप्त गरेकी छन् । उनको निकटतम प्रतिद्वन्द्वी एमालेको उमेदवार तथा निवर्तमान उपमेयर कान्तिदेवी महतोले ३ हजार ६ सय ६८ मत प्राप्त गरेकी छन् ।
त्यसैगरी काँग्रेसबाट मेयरका उम्मेदवार गोपालराय यादव १ हजार २ सय ९० मतको अन्तरले निर्वाचित भएका छन । नवनिर्वाचित मेयर गोपालराय यादवले ४ हजार ८५१ मत पाएका थिए । उनको निकटतम प्रतिद्वन्द्वी एमालेका मेयरका उम्मेदवार विजय यादवले ३ हजार ३६१ मत प्राप्त गरेका थिए । यससँगै काँग्रेसले रौतहटमा सात पालिकामा जित हात पारेको छ ।
