२०७९ जेष्ठ १४, शनिबार ०७:०२
बाराको जितपुरसिमरा उपमहानगरपालिका वडा नं. १ पथलैया तिनकुने चोकबाट करिब ३६ किलो गाँजा सहित २ जनालाई प्रहरीले पक्राउ गरेको छ ।
पक्राउ पर्नेहरूमा मकवानपुर हेटौंडा उपमहानगरपालिका–१३ वनस्पति बस्ने ४० वर्षीय सजन स्याङ्गतान र ३५ वर्षीय भुवन तितुंग रहेका छन् । अटो भित्र तीन वटा ब्याक र एक वटा चामलको बोराभित्र रातो प्लाष्टिकको बोरामा लुकाईछिपाई राखिएको अवस्थामा लागु औषध गाँजा बरामद भएको ईलाका प्रहरी कार्यालय सिमराले जनाएको छ । हेटौंडाबाट सिमरातर्फ जाँदै गरेको ना.२ ह २८८८ नम्बरको अटोलाई प्रहरी चौकी पथलैयाबाट खटिएको प्रहरीले जाँच गर्दा उक्त परिमाणको लागूऔषध फेला पारी चालक सजन र अटोमा सवार भुवनलाई पक्राउ गरिएको हो ।
