२०७९ जेष्ठ १७, मंगलवार ०७:१२
आगो लगाएर भाउजुको हत्या गरी फरार रहेका देवर ५ महिना पछि पक्राउ परेका छन् ।
घरायसी विवादमा सप्तरीको बोदेबर्साइन नगरपालिका ९ धनगढी टोलकी २७ बर्षीया राजकुमारी साहलाई पेट्रोल छर्कि आगो लगाई हत्या गरी फरार रहेका उनकै सहोदर देवर २५ बर्षीय प्रमेश्वर साह पक्राउ परेका छन् । उनी घरमै लुकी बसेको गोप्य सूचना आएपछि ईलाका प्रहरी कार्यालय बोदेबर्साइनका प्रहरी नायव निरीक्षक सुरेश पालको नेतृत्वमा पुगेको प्रहरी टोलीले आईतबार राती उनलाई पक्राउ गरेका थिए । प्रहरीका अनुसार आपूm विरुद्घ दाजु रबिनलाई उक्साएको निहुँमा प्रमेश्वरले गत माघ २१ गते भाउजु राजकुमारीलाई पेट्रोल छर्कि आगो लगाएका थिए । राजकुमारीको घटनाको २ दिन पछि उपचारको क्रममा मृत्यु भएपछि प्रमेश्वर फरार भएका थिए । पक्राउ परेका प्रमेश्वरलाई अदालतबाट म्याद थप गरी थप अनुसन्धान भईरहेको प्रहरीले जनाएको छ ।
please subscribe our official youtube channel below and support us.
https://www.youtube.com/watch?v=D0l7A2nTN7s
