२०७९ असार ५, आईतवार ०७:४७
रौतहटमा ग्यास सिलिन्डर विस्फोट हुँदा एकजनाको मृत्यु भएको छ ।
रौतहटको गढीमाई नगरपालिका–१ समनपुर खाना पकाउने क्रममा ग्यास सिलिन्डर विस्फोट भएको हो । शनिबार बिहान भान्सा कोठामा खाना पकाउने क्रममा ग्यास सिलिन्डर विस्फोट हुँदा स्थानीय बली सहनीकी ७० वर्षीया श्रीमती जसोधिया देवीको मृत्यु भएको प्रहरीले जनाएको छ । उनको घटनास्थलमै मृत्यु भएको स्थानीयले बताएका छन् । घटनाको विषयमा थप अनुसन्धान भइरहेको जिल्ला प्रहरी कार्यालय रौतहटले जनाएको छ।
