जनकपुर टुडे

२०७९ आश्विन ११, मंगलवार १३:२४

मधेस प्रदेशका मुख्यन्यायाधिवक्ता दिपेन्द्र झाको राजीनामा स्वीकृत भएको छ ।

प्रदेश प्रमुख हरिशंकर मिश्रले नेपालको संविधानको धारा १६० को उपधारा (४) को (क) बमोजिम मुख्यन्यायाधिवक्ता झाले दिएको राजीनामा स्वीकृत गरेका हुन् ।

मुख्यमन्त्री लालबाबु राउतमार्फत मुख्यन्यायाधिवक्ता झाले पदबाट दिएको राजीनामा प्रदेश प्रमुख मिश्रले स्वीकृत गरेको प्रदेश प्रमुखको कार्यालयका प्रवक्ता शत्रुधन यादवले जानकारी दिए ।

मुख्यन्यायाधिवक्ता झाले मुख्यमन्त्री राउतलाई गत भदौ १८ गते आफ्नो राजीनामा पत्र बुझाएका थिए । आगामी ४ मंसिरमा हुने निर्वाचनमा महोत्तरी क्षेत्र नम्बर–३ बाट उम्मेदवार बन्ने भएपछि झाले पदबाट राजीनामा दिएका थिए ।