![](https://ejanakpurtoday.com/wp-content/uploads/2023/01/324248449_1615991065498885_7463897483816313982_n-2.jpg)
जनता समाजवादी पार्टी नेपालको मधेस प्रदेशसभाको संसदीय दलको नेता शुक्रबार चयन गरिने भएको छ ।
जसपाका नेता लालकिशोर साहको नेतृत्वमा गठन गरिएको निर्वाचन समितिले संसदीय दलको नेता चयनका लागि तयारी गरेको हो । जनकपुरधाममा बिहीबार संसदीय दलको नेता चयनका लागि सांसदहरूको बैठक बसेको निर्वाचन समितिका संयोजक लालकिशोर साहले बताए । उनले बिहीबारको बैठकमा संसदीय दलको विधान पारित गरिएको जानकारी दिए । अब शुक्रबार दलको नेता चयन गरिने साहले बताए ।
मधेस प्रदेशमा जसपाका प्रत्यक्षतर्फका ९ र समानुपातिक ७ गरी १६ सांसद छन् ।