२०७९ चैत्र १९, आईतवार १५:४०
नेपाली कांग्रेसले बारा-२ को उपनिर्वाचनमा जनता समाजवादीका उम्मेदवारलाई सघाउने निर्णय गरेको छ।
आइतबार बसेको कांग्रेस कार्य सम्पादन समितिको बैठकले उक्त क्षेत्रमा जसपाका उम्मेदवारलाई समर्थन गर्ने निर्णय भएको कांग्रेसका प्रवक्त डा. प्रकाशशरण महतले जानकारी दिए ।
आगामी वैशाख १० गते हुने उपनिर्वाचनमा बारा- २ बाट जसपाका अध्यक्ष उपेन्द्र यादव उम्मेदवार बन्ने भएका छन्। मंसिर ४ मा सम्पन्न प्रतिनिधि सभा निर्वाचनमा उक्त क्षेत्रमा जसपा उम्मेदवार रामसहाय प्रसाद यादव विजयी भएका थिए। उनी उपराष्ट्रपतिमा निर्वाचित भएपछि बारा–२ मा उपनिर्वाचन हुन लगेको हो।
