२०८० बैशाख ३, आईतवार १२:१०
काठमाण्डौ विश्वकै प्रदूषित सहरको सूचीमा पहिलो स्थानमा रहेको छ ।
पौने १२ बजे हावाको गुणस्तर मापक सूचक (एक्यूआई) अनुसार काठमाण्डौ सहर पहिलो सूचीमा रहेको हो ।
केही दिनयता नेपालको वायु अस्वस्थकर बन्दै गएको छ । काठमाण्डौको एक्यूआई अहिले २ सय ८ रहेको छ । यसअघि बिहान साढे ९ बजे एक्यूआई १ सय ९२ रहेको थियो । त्यसबेला काठमाण्डौ सहर दोस्रो स्थानमा रहेको थियो । देशका अन्य सहरमा पनि प्रदूषण बढेको छ ।
एक्यूआई ५० भन्दा धेरै भएमा कमजोर स्वास्थ्य भएका समूह जोखिममा पर्छन् भने एक सयभन्दा माथि भएमा सबैका लागि अस्वस्थ हुन्छ । ५१ देखि १०० सम्म एक्यूआई मापन गरिएको वायु सामान्य अवस्थाको मानिन्छ । त्यसभन्दा माथिको एक्यूआई अस्वस्थकर हुन्छ । एक्यूआई तीन सयभन्दामाथि पुगेमा वायु प्रदूषण डरलाग्दो र घातक हुन्छ ।
