जनकपुर टुडे

२०८० बैशाख १५, शुक्रबार १९:३९

सरकारी सहिछाप किर्ते मुद्दामा दोषी ठहर भएकी कोशी प्रदेशकी पूर्वसांसद गुलेफुन खातुन कैद भुक्तानका लागि कारागार चलान भएकी छन् ।

उच्च अदालत विराटनगरको फैसला विरुद्ध खातुनले सर्वोच्च अदालतमा सुनुवाइका लागि निवेदन दायर गरेकी थिइन् । सर्वोच्चमा ‘इन्साफ दोहोर्‍याई पाउँ’ (दोप) भन्दै दायर गरेको निवेदनमा २०७९ जेठ २५ गते सर्वोच्चले निस्सा नदिने आदेश दिएको थियो । सोही मुद्दाका प्रतिवादी विजय कामतलाई भने सर्वोच्च अदालतले सुनुवाइका लागि निस्सा दिएको थियो ।

सर्वोच्चबाट निस्सा नपाएपछि पुन सुनुवाइका लागि निवेदन दिएर जिल्ला अदालतमा उपस्थित भएकी खातुनले कारागारमै बसेर न्यायका लागि लड्ने बताइन् ।

जिल्ला अदालत मोरङमा शुक्रबार हाजिर भएकी उनलाई अदालतले मोरङ कारागार चलान गरेको हो ।