अपडेट 
२०८० जेष्ठ १७, बुधबार १७:२३

राष्ट्रपति रामचन्द्र पौडेलले नागरिकता विधेयक प्रमाणीकरण गरेपछि लोकतान्त्रिक समाजवादी पार्टी नेपालले स्वागत गरेको छ ।

लामो समयदेखि होल्डमा रहेको विधेयक राष्ट्रपति पौडेलले प्रमाणीकरण गरेपछि लोसपा अध्यक्ष महन्थ ठाकुरले एक विज्ञप्ति जारी गर्दै उक्त कदम सकारात्मक भएको बताएका हुन् ।

विधेयक प्रमाणीकरण भएपछि राज्यविहीनताको स्थितिमा रहेका नेपाली नागरिकहरुको पीडामा मल्हमको काम गर्ने र नागरिकतासम्बन्धी समस्याको धेरै हदसम्म समाधान गर्ने उनले बताएका छन् ।

अघिल्लो सदनले दुई पटक पारित गरेर प्रमाणीकरणका लागि पठाए पनि तत्कालीन राष्ट्रपति विद्यादेवी भण्डारीले होल्डमा राखेकी थिइन् । तर, आज राष्ट्रपति पौडेलले प्रमाणीकरण गरेपछि कतिपयले भने संविधानविपरीत भनेका छन् ।

Comment


Related News

Latest News

Trending News