२०८० असार ८, शुक्रबार १८:३१
जनकपुरधाममा खाल्डो खनेर गाडेको अवस्थामा एकजनाको शव फेला परेको छ ।
जनकपुरधाम उपमहानगरपालिका-२३ स्थित इस्कन मन्दिर नजिकै खाल्डो खनेर गाडेको अवस्थामा शुक्रबार दिउँसो शव फेला परेको हो ।
स्थानीयबासीले दिएको जानकारीका आधारमा प्रहरीको टोली घटनास्थल पुग्दा बोरामा बाँधेर खाल्डो खनि गाडेको अवस्थामा शव फेला परेको जिल्ला प्रहरी कार्यालय धनुषाका प्रवक्ता प्रहरी नायव उपरीक्षक बेदप्रसाद गौतमले जानकारी दिए । शवको पहिचान खुल्न नसकेको र हत्या पछि शव गाडेको हुन सक्ने प्रहरीको आशंका छ ।
प्रहरीले डोजरको सहायताले शवको उत्खनन गरिरहेकोले विस्तृत विवरण केहिबेरपछि उपलब्ध गराउने जनाएको छ ।
