अपडेट 

ट्याक्टर खरिदमा करोडौं अनियमितता, साढे ५ लाख पर्ने ट्याक्टर साढे ९ लाखमा खरिद

२०८० भाद्र ७, बिहीबार ०७:२२

मधेश प्रदेशको एक मात्र महानगरपालिका वीरगञ्ज महानगरपालिकाले ट् याक्टर खरिदमा व्यापक अनियमितता गरेको पाइएको छ । वीरगञ्ज महानगरले साढे ५ लाख भन्सारमा पर्ने ट्याक्टर साढे ९ लाखमा खरिद गरेको छ ।

वीरगञ्ज महानगरले फोहोर संकलनका लागि ३२ वटै वडाका लागि गत वैशाखमा ३२ वटा ट्याक्टर र टेलर खरिद गरेको थियो । एउटा ट्याक्टरका लागि महानगरले ९ लाख ५० हजार र टेलरको २ लाख ७५ हजार रुपैयाँ भुक्तानी गरेको छ । पहिलो पटकको बोलपत्र आह्वान हुँदा ५ वटा कम्पनीले आवेदन दर्ता गराएका थिए । तर, प्राविधिक कारण देखाउँदै महानगरले उक्त बोलपत्र रद्द गरेको थियो । ट्याक्टर खरिदका लागि महानगरले दोस्रो पटक बोलपत्र आह्वान गर्दा एउटा मात्र कम्पनीले आवेदन दिएको थियो । त्यही कम्पनीबाट महानगरले ३ करोड ९२ लाखमा ३२ वटा ट्याक्टर र टेलर खरिद गरेको छ । बजार मूल्य ६ लाख ६० हजार पर्ने ट् याक्टर महानगरले ३ लाख बढी मूल्यमा खरिद गरेको पाइएको छ ।

महानगरको यान्त्रिक शाखाका अनुसार फोहोर संकलनका लागि २४ एचपीको २४२ मोडलको आइचर कम्पनीको एक सिलिन्डरको ट्याक्टर खरिद गरिएको छ । महानगरले खरिद गरेको उक्त ट्याक्टर वीरगञ्ज भन्सार विन्दुमा जाँचपास भइसकेपछि ५ लाख ५१ हजार रुपैयाँ मूल्य पर्ने गरेको छ । वीरगञ्ज भन्सार कार्यालयको तथ्यांकअनुसार भारतबाट आयात भएको उक्त मोडलको आइचर ट् याक्टरको मूल्य आयातकर्ताले ३ लाख १६ हजार ८ सय ३५ भारु घोषणा गरेका छन् । एउटा ट्याक्टरको भन्सार विन्दुसम्मको ढुवानी भाडा र बीमा गरी १३ हजार ७५ भारु उल्लेख गरिएको छ । आयातमा लाग्ने ५ प्रतिशत भन्सार महसुल दाखिला गरी आयातकर्ताले ३ लाख ४४ हजार ८८० भारु ( ५ लाख ५१ हजार रुपैयाँ ) मा ट्याक्टर जाँचपास गराएको भन्सारको तथ्यांकमा देखिन्छ ।

ट्याक्टर खरिदका लागि महानगरपालिकाले पहिलो पटक गत असोज २६ मा बोलपत्र आह्वान गरेको थियो । ओमनी अटो मोबाइल्स, अर्थ आटोबिल्स, तुलस्यान ट्याक्टर, नेपाल ट्रेड एण्ड सर्भिस लिंक र खेसारी चन्द्र वणवालले आवेदन दर्ता गराएका थिए । बोलपत्र मूल्यांकन समितिले प्राविधिक कारणले सबैको आवेदन खारेज गरेको थियो । करिब ६ महिना पछि दोस्रो बोलपत्र आह्वान गरियो । एउटा मात्र, विना एग्रो इन्टरप्राइजेज प्रालिको आवेदन दर्ता भयो । मूल्यांकन समितिले उसकै बोलपत्र सदर गरेको थियो । विना एग्रो प्रालि पहिलो पटक बोलपत्र आह्वान हुँदा आवेदन दिएको थिएन । महानगर स्रोतका अनुसार पहिलो बोलपत्रमा ‘आर्थिक मिलेमतो’ हुने सम्भावना नदेखिएपछि प्राविधिक कारण देखाएर रद्द गरिएको थियो ।

पहिलो बोलपत्रमा आवेदन दर्ता गराएका एक अटोमोबाइल व्यवसायीले महानगरले मिलेमतोमै ट्याक्टर खरिद गर्ने देखिएपछि दोस्रो पटकको बोलपत्रमा सहभागी नभएको प्रतिक्रिया दिएका छन् । ‘आफू निकटका व्यवसायीलाई नै ट्याक्टरको ठेक्का दिने मनसाय बुझेपछि हामीले दोस्रो पटकको बोलपत्र खरिद नै गरेनौँ,’ उनले भने, ‘पहिलो बोलपत्रमा न्यूनतम नाफा राखेर बोलपत्र आवेदन दर्ता गराएका थियौं ।’ बोलपत्रमा ३ सिलिन्डरको ट्याक्टर माग हुँदा प्रति ट्याक्टर मूल्य १३ लाख २५ हजार राखिएको थियो भने दोस्रो पटक टेलरसहित १ सिलिन्डरको ट्याक्टरको बोलपत्र आह्वान गर्दा १२ लाख ५० हजार रुपैयाँ मूल्य राखिएका थियो ।

बिना एग्रोले टेलरसहित १२ लाख २५ हजार रुपैयाँमा दर्ता गराएको आवेदन स्वीकृत भएको छ । प्रति ट् याक्टरको ९ लाख ५० हजार र टेलरको २ लाख ७५ हजार रुपैयाँ बिना एग्रोले भुक्तानी लिएको छ । ६ लाख ६० हजार रुपैयाँसम्ममा पाइने एक सिलिन्डरको ट्याक्टर महानगरले किन ९ लाख ५० हजार रुपैयाँमा खरिद गरेको भन्ने प्रश्नमा यान्त्रिक शाखा प्रमुख मनोज कर्णले ‘बजार मूल्य तलमाथि भइराख्ने र नगदमा खरिद गर्दा केही छुट पाइने हुनाले केही अन्तर देखिएको हुनसक्छ’ भनि प्रतिक्रिया दिए । ‘सबभन्दा सस्तो र इन्धन कम खपत हुने ट्याक्टर खरिद गरेका छौँ,’ उनले भने, ‘कुनै प्रक्रिया लुकाएर गरेका छैनौं ।’ विना एग्रोका एकजना सेल्सम्यानले सर्वसाधारणले खरिद गर्दा र स्थानीय तहले खरिद गर्दा छुट्टाछुट्टै मूल्यको बिल बन्ने गरेको बताए । ती सेल्सम्यान भन्छन्, ‘सर्वसाधारणले खरिद गर्दा कसैलाई कमिसन चाहिदैन । तर, जब पालिकाको लागि ट् याक्टर खरिद हुन्छ, त्यसमा हाकिम, लेखा, खरिद समिति, प्रमुख र उपप्रमुख सबैलाई कमिसन छुट् याएर बिल बनाउनुपर्छ ।’ ट्याक्टर भारतबाट आयात गरी आपूर्ति गरेको बिना एग्रोले टेलर भने स्थानीय व्यवसायीबाटै बनाउन लगाई महानगरलाई उपलब्ध गराएको छ । व्यवसायीका अनुसार टेलरमा समेत बढीको बिल बनाएर चलखेल गरिएको छ । फोहोर संकलनका लागि बनाइएको ती टेलरहरुको बिलमा पनि प्रति टेलर ५० हजार रुपैयाँ बढी अनियमितता भएको छ ।

Comment


Related News

जनता समाजवादी पार्टी नेपालको केन्द्रीय समिति बैठक साउन २७ गतेदेखि

मधेश प्रदेश लोकसेवा आयोगको अध्यक्षमा यादव नियुक्त

सुनको मूल्य घट्यो

माग सम्बोधन नभए शव नबुझ्ने सौर्य विमान दुर्घटनामा मृतकका आफन्तको अडान

सन्दीपविरुद्ध गौशाला-२६ सर्वोच्च नजाने

सङ्क्रमणकालीन न्यायसम्बन्धी विधेयकमा ३ दलबीच सैद्धान्तिक सहमति

Latest News

Trending News


जनकपुर टुडे मेडिया ग्रुप प्रालिद्वारा प्रकाशित जनकपुर टुडे  दैनिक पत्रिका मधेशको पहिलो ‘क’ वर्गको राष्ट्रिय पत्रिका हो । ताजा समाचारको लागि हामीलाई सामाजिक संजालमा फलो गर्न सक्नुहुन्छ ।

जनकपुर टुडे मिडिया ग्रुप प्रालि
जनकपुरधाम, धनुषा (प्रदेश २)
सम्पर्क नं. : 041-590101
सम्पर्क मो. नं. : 9854026025
इमेल: [email protected]
र [email protected]

 क. दर्ता नंः – १४६२५२/०७२/०७३ 

प्रधान सम्पादकः बृजकुमार यादव
सम्पर्क नं. : +977-9801620025
इमेल: [email protected]
न्युज डेस्क : संजय यादव
सम्पर्क नं. : +977-9801626020

विज्ञापनका लागि: राजेन्द्र यादव
सम्पर्क मो. नं:9801626026
इमेल :[email protected]
संजय कर्ण
सम्पर्क मो. नं:9801626023
इमेल :[email protected]
सन्जना ओझा
सम्पर्क मो. नं: 9854026018

© 2024: Janakpur Today All Rights Reserved | Privacy Policy

Powered By: Pro-Tech