अपडेट 
२०८० भाद्र २९, शुक्रबार १८:३१

सरकारले प्रधानमन्त्रीको चीन भ्रमण स्वीकृत गर्ने निर्णय गरेको छ ।

सिंहदरबारमा शुक्रबार बसेको मन्त्रिपरिषद् बैठकले प्रधानमन्त्रीको संयुक्त राष्ट्रसंघबाट सिधै हुने चीनको भ्रमण स्वीकृत गर्ने निर्णय गरेको सरकारका प्रवक्ता रेखा शर्माले जानकारी दिनुभयो । चीन भ्रमणका क्रममा ऊर्जा, भौतिक पूर्वाधार तथा यातायात, कृषि लगाएतका बिषयमा दुईपक्षीय छलफल हुने र केहि बिषयमा समझदारी हुने उहाले बताउनुभयो ।

बैठकले संविधान दिवसका अवसरमा प्रदान गरिने बिभुषण बितरणलाई मर्यादित बनाई राष्ट्रको सम्मानको रुपमा स्थापीत गर्न अन्तराष्ट्रिय अभ्यास र बिभुषणसम्बन्धी कानूनको अध्ययन गरि तीन महिनाभित्र प्रतिवेदन पेश गर्न कार्यदल गठन गरेको छ । कार्यदलको अध्ययन प्रतिवेदन नआएसम्म हाललाई बिभुषण प्रदान कार्य स्थगन गरिएको प्रवक्ता शर्माले बताउनुभयो ।

बैठकले कर प्रणाली सुधारका लागि समिति गठन गर्ने निर्णय गरेको छ भने चाडपर्वलाई ध्यानमा राखेर साल्ट ट्रेडिङ र खाद्य व्यवस्थालाई ५० प्रतिशत भन्सार छुटमा १०–१० हजार मेट्रिक टन चिनी आयात गर्न स्वीकृत दिने निर्णय गरिएको उहाले बताउनुभयो ।

त्यस्तै बैठकले सिचाई नीति २०८० स्वीकृत गर्ने निर्णय गरेको छ भने नेपाल नागरिकता ऐन तेश्रो संशोधन नियमावली स्वीकृत गर्ने निर्णय गरेको छ ।

Comment


Related News

Latest News

Trending News