२०८० कार्तिक ५, आईतवार ०९:३७
जानकी वृद्धाश्रममा रहेकी १८ जना वृद्ध आमाहरुलाई कपडा वितरण गरिएको छ ।
जनकपुरधाम उपमहानगरपालिका वडा नम्बर १का पूर्व वडाध्यक्ष शत्रुध्न साहले उनीहरुलाई वृद्धाश्रममा कपडा वितरण गरेका छन् । उनले चाडपर्वको बेलामा सबैको नयाँ लुगा लगाउने इच्छा हुने भएकोले आफ्नो स्वर्गवासी मातापिताको स्मृतिमा वृद्धाश्रममा रहेकी आमाहरुलाई नयाँ साडी वितरण गरेको बताए ।
यसका साथै साहले शनिबारबाटै रेल्वे स्टेशनमा रहेको हनुमान मन्दिरमा प्रसाद वितरण शुरु गरेका छन् । उनले अबदेखि आफूले सकुञ्जेल प्रत्येक शनिबार उक्त मन्दिरमा प्रसाद वितरण गर्ने जनाए ।
