२०८० फाल्गुन २६, शनिबार ०८:१२
रौतहटको मौलापुरमा जारी मधानी महोत्सवमा बलिउड अभिनेता गोविन्दा आहुजा, नेपाली चलचित्रका नायक पल शाह लगायतका कलाकारले प्रस्तुति दिएका छन् ।
पाँच दिनसम्म चल्ने सो महोत्सवमा चौथो दिन शुक्रबार अभिनेता गोविन्दा, पल शाह, भारतीय भोजपुरी नायिका निलम गिरी, भोजपुरी फिल्म निर्देशक तथा गायक विनय बिहारी, नेपाली फिल्म निर्देशक दिनेश जिसी, गायक रविराज साह, सुनिल पण्डित, कलाकार रचना शिवाकोटी , प्रीति पासवान, लगायतले प्रस्तुति दिएका हुन् ।
उक्त अवसरमा अभिनेता गोविन्दाले आफ्नो ससुराली काठमाडौँमा रहेको बताउँदै नेपालीसँग विशेष लगाव रहेको बताए । शुक्रबारको विशेष सांस्कृतिक कार्यक्रममा ५० हजारभन्दा बढी दर्शक सहभागी भएको आयोजक मौलापुर नगरपालिकाले जनाएको छ ।
