२०८१ भाद्र २६, बुधबार ०७:२३
प्रत्येक वर्ष झैँ यस वर्ष पनि जनकपुरधामको मिल्सएरियामा भव्यतासाथ इन्द्र पूजा महोत्सव हुने भएको छ ।
जनकपुरधाममा मंगलबार पत्रकार सम्मेलन आयोजना गर्दै इन्द्र पूजा सेवा समिति तथा नागरिक समाजका अध्यक्ष मनोज साह क्रान्तिकारीले यही भदौँ २९ गतेदेखि असोज ८ गतेसम्म इन्द्र भगवानको पूजन्मोत्सव हुने जानकारी दिए । सो पूजन्मोत्सवमा भदौँ २९ गते शनिबार कलश तथा शोभा यात्राको माध्यमबाट इन्द्र पूजा महोत्सवको उद्घाटन हुने अध्यक्ष साहले बताए ।
त्यस्तै भदौँ ३१ ग्ते सोमबार पूजा महोत्सवको उद्घाटन गरिने छ । असोज १ गते मंगलबार हनुमान अराधना तथा झाकी कार्यक्रम उद्घाटन, असोज २ गते बुधबार मेला महोत्सवको उद्घाटन गरिने, असोज २ गतेदेखि असोज ६ गतेसम्म भजनसंध्या तथा मैथिली सांस्कृतिक कार्यक्रम र भदौँ ३१ ग्तेदेखि असोज ८ गतेसम्म दैनिक विहान साँझ पूजा पूजा आरती तथा महाभोग प्रसाद वितरण कार्यक्रम रहेको अध्यक्ष साहले बताए ।
