जनकपुर टुडे

२०८१ आश्विन १५, मंगलवार ०७:४१

नेपाल इन्जिनियर्स एसोसिएसन मधेश प्रदेशका नवनिर्वाचित पदाधिकारीको शपथ ग्रहण तथा पद हस्तान्तरण कार्यक्रम सम्पन्न भएको छ ।

जनकपुरधाममा सोमबार केही साता अघि एसोसिएसनको नयाँ नेतृत्वकालागि भएको निर्वाचनबाट निर्वाचित पदाधिकारीहरुको शपथ ग्रहण समारोह सम्पन्न भएको छ । नवनिर्वाचित अध्यक्ष गौरी पण्डितलाई निर्वाचन समिति सदस्यद्वय रामरतन यादव र धनञ्जय मण्डलले संयुक्त रुपमा शपथ ग्रहण गराएका थिए ।

अध्यक्ष पण्डितले बाँकी निर्वाचित पदाधिकारीसहित सदस्यहरुलाई शपथ ग्रहण गराएका थिए । उनले सचिवमा निर्वाचित अजित मण्डल, सहसचिव सफल साह, कोषाध्यक्ष उदितकुमार यादव, सदस्यहरु मनोज साह, अर्चना यादव, रुपेशकुमार यादव, बलिराम साह र अजयकुमार यादवलाई पद तथा गोपनीयताको शपथ ग्रहण गराएका थिए ।

सो कार्यक्रममा भने केही नवनिर्वाचित पदाधिकारीहरु उपस्थित नरहेकाले उनीहरुको शपथ ग्रहण पछि गरिने अध्यक्ष पण्डितले बताए । सो कार्यक्रम इन्जिनियर चन्देश्वर रौनियारको प्रमुख आतिथ्यतामा सम्पन्न भएको थियो ।