२०८१ आश्विन २१, सोमबार १६:५२
महोत्तरीको मटिहानी नगरपालिका-९ सिमरदहीमा रहेको बिग्ही नदीमा बेपत्ता एक बालिकाको शव फेला परेको छ ।
नदीमा मटिहानी नगरपालिका ९ कै बीरेन्द्र मण्डलकी १५ वर्षीया छोरी आरती कुमारी मण्डलको शव फेला परेको हो । आज बिहान करिब १० बजे नदीमा नुहाउन पुगेकी स्थानीय वीरेन्द्र मण्डलकी १५ वर्षीया छोरी आरतीकुमारी मण्डल बेपत्ता भएकी थिइन् ।
स्थानीय मोसाफिर सहनी र छेदी सहनीले करिब तीन घण्टासम्म खोजेपछि आरतीको शव भेटिएको वडाध्यक्ष मदन चौधरीले बताए ।
शव पोस्टमार्टमका लागि प्रादेशिक अस्पताल जलेश्वर पठाउने तयारी भइरहेको छ ।
