२०८१ मंसिर ६, बिहीबार १५:५३
आज सुनको मूल्य प्रतितोला एक हजार रुपैयाँले बढेर एक लाख ६४ हजार रुपैयाँ कायम भएको छ ।
नेपाल सुनचाँदी व्यवसायी महासंघका अनुसार बुधबार सुनको मूल्य एक लाख ६३ हजार रुपैयाँ थियो ।
त्यस्तै चाँदीको मूल्य भने आज स्थिर छ ।
अहिले चाँदीको मूल्य तोलाको एक हजार नौ सय ५० रुपैयाँ कायम भएको महासंघले जनाएको छ । कात्तिक १५ गते एक लाख ७१ हजार रुपैयाँमा सुनको कारोबार भई उच्च मूल्य कायम भएकामा पछिल्लो समय मूल्य घट्ने, बढ्ने भइरहेको छ ।
