जनकपुर टुडे

२०८१ माघ २०, आईतवार ०८:३२

पर्सा प्रहरीले नेपाल–भारत सीमावर्ती क्षेत्रको वीरगञ्ज महानगरपालिका–१६ भन्सारनजिकै सञ्चालित एक होटलबाट दुई महिलाको उद्धार गरेको जनाइएको छ ।

इनर्वा प्रहरी चौकीबाट खटिएको प्रहरी टोलीले होटलमा खानतलास गर्दै ती महिलालाई फेला पारेको हो । जिल्ला प्रहरी कार्यालय पर्साका प्रवक्ता सुवास भट्टका अनुसार ती महिलाहरूलाई मानव बेचबिखनमा संलग्न रहेको आशंकामा पक्राउ गरिएको छ । प्रहरीले होटलबाट तीन नेपाली र एक भारतीय नागरिकलाई नियन्त्रणमा लिएको छ ।

पक्राउ परेका व्यक्तिहरूविरुद्ध मानव बेचबिखन तथा ओसार पसार (नियन्त्रण) ऐन २०६४ बमोजिम अनुसन्धान अगाडि बढाएको छ । पक्राउ पर्ने नेपाली नागरिकहरूमा बाराको जितपुर– सिमरा उपमहानगरपालिका–१४ की ३८ वर्षीया मीराकुमारी महतो, महोत्तरी भंगहा नगरपालिका–२ की ३२ वर्षीया सुक्रान्ति चौधरी र ओखलढुंगा देयाले गाउँपालिका–५ का ३३ वर्षीय दीपेश राई छन् ।

भारतीय नागरिक भने विहारका ३५ वर्षीय मनेजर राय रहेका छन् । प्रहरीको प्रारम्भिक अनुसन्धान अनुसार यी व्यक्तिहरूले महिलाहरूलाई भारततर्फ तस्करी गर्न खोजेको आशङ्का गरिएको छ ।नियन्त्रणमा लिइएका व्यक्तिहरूमाथि थप अनुसन्धान भइरहेको जनाएको छ । मानव बेचबिखनको यो घटनाले नेपाल–भारत सीमावर्ती क्षेत्रमा बढ्दो अवैध क्रियाकलापमा वृेद्धि भएको देखिएको छ ।