२०८१ फाल्गुन २३, शुक्रबार १६:४६
जनकपुरधाममा राजावादी समर्थकहरुले प्रदर्शन गरेका छन् ।
शुक्रबार जनकपुरधामको जनक चोकबाट सुरु भएर राजावादी समर्थकहरुले नगर परिक्रमा गरेका छन् । उनीहरुले राजा आउ देश बचाउ केपी चोर देश छोडका नारासमेत लगाएका छन् ।
गणतन्त्रलाई आफूहरुले साथ दिँदा पनि गणतनत्रले आफूहरुलाई केही नदिएको भन्दै पुनः यो देशमा राजालाई फर्काउनु पर्ने आवश्यकता रहेकोले आज प्रदर्शन गरेको नेपाल राष्ट्रवादी नागरिक समाजका अध्यक्ष प्रकाश रानाले बताउनुभयो । नेताहरुले डलर खाएर देश क्रिश्चेन धर्मावलम्बीहरुलाई बेचेको उनले आरोप लगाए । प्रजातन्त्रसहितको राजसंस्था आजको आवश्यकता रहेकोमा उनले जोड दिए ।
माओवादीले जनताको छोराछोरी मारेर आफू सत्तामा गएको उनले आरोप लगाए । अमेरिकाले भ्रस्टाचार हुने देशहरुको सूचीमा नेपाललाई उच्च स्थानमा राखेकोले नैतिकताको आधारमा सत्तामा बसेका नेताहरुले राजिनामा दिनुपर्ने धारणा राखे । उनले देश बचाउन राजा मात्र विकल्प रहेको बताउनुभयो ।
