२०८२ असार ५, बिहीबार १३:४२
अमेरिकाले एक महिना अगाडि स्थगित गरेको अन्तर्राष्ट्रिय विद्यार्थी भर्ना प्रक्रिया पुनः सुचारु गर्ने भएको छ । यद्यपि जसका लागि केही शर्त थपिएको छ । प्रमुखरुपमा पढन् जाने विद्यार्थीको सामाजिक सञ्जालको एकाउन्ट भने पब्लिक बनाउन भनेको छ ।
जसबाट उनीहरुले अमेरिकी नागरिक, सिद्धान्तप्रति आफ्नो देशमा आउने विदेशी विद्यार्थीहरुको सोच विचार र भावना गलत भएमा रोक्ने नीति अमेरिकाले लिएको हो ।
राष्ट्रपति डोनाल्ड ट्रम्प प्रशासनले गत मे महिनामा केही समयका लागि भन्दै राेकिएकाे अन्तर्राष्ट्रिय विद्यार्थीकाे भिसा प्रक्रिया पुनः सुरु गरेको हो ।
यससँगै अब विद्यार्थी भिसाका लागि सम्बन्धित दूतावासबाट अन्तरवार्ताका लागि समय लिन पाउने भएका छन् ।
अमेरिकी विदेश मन्त्रालयका अनुसार अमेरिकाकाे भिसा शर्तहरु भने विद्यार्थी भिसा एफ १ लगायत अन्य सबै प्रकारका भिसामा लागू हुनेछन् । जसले सामाजिक सञ्जाललाई गाेप्य राख्छ उसले आफ्ना गतिविधिहरु लुकाउने प्रयाेजनकाे रुपमा लिइने अमेरिकाले भनेकाे छ ।
अमेरिकामा २०२३-०२४ मा ११ लाख अन्तर्राष्ट्रिय विद्यार्थी थिए । जसमा पहिलो भारतबाट साढे ३ लाख बढी, दोस्रोमा २ लाख ८० हजारसहित चीनबाट छन् भने करिब १७ हजार नेपाली त्यहाँ अध्ययनरत छन् ।
