२०८२ श्रावण ६, मंगलवार ०७:१४
पर्साको वीरगञ्जस्थित आदर्शनगर चोकमा लगभग एक महिना देखि रेनरेनले सुपरमार्केट संचालनमा आएपछि दुई जना चाइनिजहरु सक्रिय देखिएका छन् ।
चाइनामा उत्पादित सामान खरिद गर्दा मूल्य १ सय ६० रुपैयाँ मात्र तिर्नु पर्नेमा मार्केट मधेश प्रदेशको वीरगञ्जमा पहिलो हो । पर्साको मधुवन मथवलका तिलक बहादुर खडकाको नाममा कम्पनी रजिस्टार कार्यालयमा दर्ता भएको रेनरेनले सुपर मार्केट आफूले संचालन गरेको तिलक खड्काले बताए । भौगोलिक रूपमा भारतसँग जोडिएको वीरगञ्ज क्षेत्र रणनीतिक हिसाबले अतिसंवेदनशील मानिए पनि चिनियाँ व्यापारी तथा पर्यटकीय भिषामा आउनेहरुको लर्को नै चलेको छ ।
वीरगञ्जमा संचालित रेनरेनले सुपर मार्केटलाई चिनियाँ नागरिकले संचालन गरेको बारेमा आफू पनि बुझिरहेको पर्सामा प्रहरी उपरीक्षक गौतम मिश्रले बताए । भारतको सीमावर्ती क्षेत्रमा चीनले पाकिस्तान मार्फत धार्मिक कट्टरपन्थी संगठनहरूसँग पनि समन्वय गरिरहेको आशंका छ । यसले नेपाललाई एउटा ‘ जियो–पोलिटिकल प्रयोगशाला’ बनाउने खतरा बढेको भारतीय मिडियाहरुले विश्लेषण गर्ने गरेका छन् ।
