जनकपुर टुडे

२०८२ आश्विन २९, बुधबार १३:०७

सभामुख देवराज घिमिरेले आयोजना गरेको छलफलमा दलहरूले गत भदौ २७ गते भएको संसद् विघटनलाई असंवैधानिक भनेका छन् ।

नेकपा (एमाले) का नेता महेश बर्तौलाले संसद् विघटन असंवैधानिक, अराजनीतिक र अलोकतान्त्रिक रहेको कुरामा सबै दलहरूको साझा मत बनेको बताएका छन् ।

सभामुख घिमिरेले बोलाएको बैठकमा सहभागी भएर बाहिरिने क्रममा एमाले नेता बर्तौलाले षड्यन्त्रपूर्वक संसद् विघटन भएकोमा सबै दलहरूको साझा मत रहेको बताएका हुन् ।

नेता बर्तौलाले अहिलेको संसद् विघटन अलोकतान्त्रिक छ र असंसदीय रहेको र यसको पुनर्स्थापना हुनु जरुरी रहेको बताएका छन् । यसका लागि यो व्यवस्था र संविधान मान्ने सबै राजनीतिक दलहरु एक ठाउँमा उभिनु आजको आवश्यकता रहेको उनले बताए ।

सभामुख घिमिरेले बोलाएको बैठकमा नेपाली कांग्रेस, नेकपा (एमाले), नेकपा (माओवादी केन्द्र), राष्ट्रिय प्रजातन्त्र पार्टी, नेकपा (एकीकृत समाजवादी)लगायत पार्टीका नेता बैठकमा सहभागी छन्। सभामुखले प्रमुख १० दललाई बैठकमा बोलाएका थिए।