२०८२ कार्तिक २०, बिहीबार १८:२१
नेपाल कम्युनिष्ट पार्टीका महासचिव नेत्र विक्रम चन्द विप्लवले देशमा उत्तेजना फैलाउने प्रतिबन्ध लगाएपछि मात्रै निष्पक्ष चुनाव हुन सक्ने बताउनुभएको छ ।
बिहीबार काठमाडौंमा आयोजित जनसभामा बोल्दै बिप्लवले विदेशी डलर लिएर नेपाली जनतालाई भ्रष्टिकरण गर्ने र देशमा उत्तेजना फैलाउने प्रतिबन्ध लगाएपछि मात्रै निष्पक्ष चुनाव हुने बताउनुभएको हो । उहाले अझै पनि सवै क्षेत्र वर्गका जनताले अग्राधिकार नपाएसम्म संघीयता पूर्ण रुपमा कार्यान्वयन नहुने जिकिर गर्नुभयो ।
विप्लवले राज्यसत्ता जनताले बनाएपछि प्रत्यक्ष कार्यकारी प्रमुखमा जानुपर्ने बताउनुभयो । कम्युनिष्ट एकताले नेपालमा सधै राम्रो गर्छ भन्ने नरहेको भन्दै बिचार नपुराए कम्युनिष्ट एकता निकै घातक हुने उहाले बताउनुभयो । त्यस्तै उहाले मुलुकमा देखिएको बेतिथिको बिरुद्ध लाग्नुपर्नेमा समाजवादी मोर्चाले त्यस्तो काम गर्न नसकेको स्वीकार गर्नुभयो ।
उहाले राज्यसत्ता निरंकुश र मुर्ख बन्दै गएको अवस्थामा त्यसलाई झकझकाएर जेन–जी आन्दोलनले ठूलो गुन लगाएको बताउनुभयो । त्यसअघि नेकपाको बिभिन्न स्थानबाट सुरु भएको र्याली भृकुटीमण्डपमा पुगेर सभामा परिणत भएको थियो ।
