२०८२ मंसिर १, सोमबार १२:५३
नेकपा एमाले स्थायी समिति सदस्य एवम गण्डकी प्रदेशका पूर्व मुख्यमन्त्री खगराज अधिकारीले सरकारले चुनाव गराउन सक्नै कुनै वातावरण नै नरहेको बताएका छन
।
सोमबार (आज) जनकपुर विमानस्थलमा सञ्चारकर्मीहरुसंग कुरा गर्दै अधिकारीले अहिलेको सरकारले चुनाव गराउन नसक्ने प्रष्ट पारेका छैन । उनले सुरक्षाको दृष्टिकोणले मात्रै हेर्दा पनि अपराधीहरु जेलबाट बाहिर रहेको समयमा, हतियार लुटिएको बेला, सुरक्षाकर्मीहरुको पोसाकसमेत चोरीएको खण्डमा चुनावको बारेमा सोच्नु नै गलत भएको बताएका छन् । राजनीतिक दलहरुसंग छलफल गर्नै नमान्ने सरकारले चुनाव गराउँछ भनेर सोच्नु नै गलत रहेको अधिकारीले बताए ।
मधेश प्रदेशको राजनीतिक अवस्थाबारे सञ्चारकर्मीहरुको प्रश्नमा अधिकारीले मधेश प्रदेशको अहिलेको राजनीतिक अवस्थाका कारण संघीयतामाथि नै प्रश्न उठ्न थालेको धारणा व्यक्त गरे । मधेश प्रदेशका सबै दलहरुले छनिक बेरको राजनीतिक स्वार्थ बिर्सेर एक जुट भएर संघीयतालाई प्रभावकारी बनाउनुपर्ने अहिलेको आवश्यकता रहेको बताए । उनले मधेश प्रदेशलाई नमुना प्रदेश बनाउनका लागि सबैदलहरु एकताबद्ध हुनु पर्ने धारणा राखे । पदका लागि भइरहेको राजनीतिक खेलले संघीयता विरोधहरु बलियो हुँदै गइरहेको अधिकारीले बताए ।
